¹ Tigeh nanata-pah ravah, kamanah ayah vikenapunda-pah, nagevah piya-e urimikenah puweh, tigeve taveh yagara-vah amupiyo, nagevah kambah kanaviye,pih kamana kaekena-vah tigetah, pipah nanavi-emah kaupeh kinah aogimah miyoma-e. ² Tigevah augimah avamah mi-iyoh karah gandah kinaka-vah, kaogi-enah pugave-kah, augimah aevah piyomah ti-uh asore pikenah kinakave. ³ Tageh wamitah taukasaombe-pah, pipah kegita vayah Anutun-dah esegih Awamusah tah mononda-nah pombeh kinapah. Pipah tamupu-gah puneh Isu Mesiyah pindivah, kambah mah tau-omanda enaga-vah napi-une. ⁴ Mah na-utasah enaga-vah nagene-pah kanarahminduwe-mah napi-uwe, piyah veginah kayagah ramaro-vah piyambah minduwe maroh napikinah, nageva-yah igasauwe-mah. ⁵ Nayah ka-amuhpurite tonendisah kakagah umumah yagah naupah kasata-ene, Jidah kinambih tuwanah, Benjamini tuwavi-sah, pigoh nagevah kawida-e Hibruh kinambih kakah manao-mah amindah pindih miyeh kinambih davah, pipah nagevah Farasina-e. ⁶ Nagevah Anutu eriyah pikena-gah napuwe, nagevah kaogi-enagah moo namah pugasauwe, pigoh igevah kamana egepumah randah kamanatah nageh agoh kagamah napinatah kivepah, pipindih kah agonepah kawindiye. ⁷ Pigoh piyah veginah kaogi-enavah ugasugah enagan-dah pegih Isu a-egarah uweh. ⁸ Pigoh piyaveginah ivavah ayaema-enah aga-opah mamavindisah enavah Isu pindivah ugasugah ena-neh kasa-uwe, pih agaondana-vah ugenah ena-eh- piyah pikah Isu avawukuwe. ⁹ Nagevah agepindih mikuwe. Nagevah kambah arupuh yagara-vah minduwe nagendeh agonetah kagah kamana umah a-egarah kena-vah. Kamba-e. Nagevah Isu pindih namatitih enah potaka-gah arataka-pah miuwe, pih kanaih amatiti-enavah Anutu tah ago-e. ¹⁰ Pigoh piyaveginah nagevah esegih imuamu-enavah agakenah puwe agevah aseyegih ageh a-egarano-mah kunda-enah aesagah vikenah kitih. Nagevah awemah purikenah kioma-pah wakarah wanomah, ¹¹ piyah veginah kaisah kitivah, nagevah purite asitae kitoroh aegarauwe. ¹² Nagevah pindanah uruntuwe emavah kambah napuwe, o agoh wagasuwe mavah. Isu Mesiyah eriyah ayakumah upeveh purindiwe age nage nayakumah upeve mamavisa-mah pumah. ¹³ Tigeh nanata parah, pih aegarah kenaerawa-pah kambah uruntuwe-mah napuweye. Pigoh nagepindih kah napi-enah windipah: Paisa-enavah agoh kasauwe iyeh e-indih kanakivinh dana-e naomandagah esegih eriyah pumuweiye. ¹⁴ Nagevah inatah wamah minduwe iyeh. ¹⁵ Tagevah kagah agoh tavepuwaune, piyambah napenoh, piyamah kaisah enagah napindiri-pah, Anutu-vah avorah titakiye. ¹⁶ Piyah vemah nanah uayah ageh u-uritah kunombe-pah, pipah pigoh ayakumah urereveno. ¹⁷ Nanah tavarah nageh pukuvon danah aogimah egamah piyoh. Tigevah aogimah agiyo pih kinambih pikiven dana-vah kegivayah tageh pukunomben danavah pikive kinapah. ¹⁸ Okenah igevah wa-e, igeh kamana-pah ayaemah--yagah urimimah miyokah ivarovah naonurasah urimuwe. Isun-dah uyarah kavah tupuh kinanda namah mindu-e. ¹⁹ Pih kinapah e-indivah kaogih puwakive, nanavi-emah itasa-enaomah Anutu kandah poiga sakinah igeh amuamundah-nah mavisa-enamah dagah. ²⁰ Pigoh piyah veginah tage wayah wamih inatisah kumati-sah kinakanda-mah mindune pigoh tagevah Isu Mesiyah kagah evawundune mandah kumah kaite tumbah tavaveno-mah. ²¹ Tave esegih enawata-sah, Isu tagetaupah umbah awepugasi-mah agevah aukandah potamah ayaema ena-omah ageh amendah pindih wikiye.