¹ Tigeh nanatah paravah, tigeh kavah navuwagih tiyorah tigah kenavah. Tigevah asimah esegimah inatisah yagara-mah pindih ogih nagayah varah. ² Nageh kaviga kuwe Eodiya kageh Sintike kagekah napi-enavah inatasah yagara mapindih. ³ Tagah tagane, nagevah piyambakah naviye tigeh rapih eriyah pombeh kinambih taveh pih wa-eh iyawe iyome-iyoh. Igevah kunda-enavah a-isagamah noputae Taveh yagara mandah eriyah pumah mevah pikena-enah vindiveh. Kiemeni-vah toh kegih kupih eriyah pompeh kinah aumah windah isapindih ageh windah kinambike. ⁴ Ayaemah yagah amunda-enah pumah miyiyoh Taveh yagara-mah pindih. Nagevah togeh piyauwe amundaenah Taveh yagara pindih piyomah. ⁵ Ogi-enah pikivendah navah ataginih aga-iyoh wasana mivah nanvi-emah Taweh yagarah kagorah mindih kagah. ⁶ Ka-enagavah anapiwoh. Ayaema-enah gavah, nunamuh umah Anutu-kah a-isah otaoh. Anutu ataganah avigah kivemben danaga-vah oweh ugatanoh. ⁷ Pigoh Anutun-dah andah paru-enah wapah wasana-mih napi-enavah agasima-e, Isu Mesiyah pindih tindaveh napi-enaripah akagoh iritakiye. ⁸ Kamana pagivih kena-vah, tigeh nanah tavarah, nanavayah taga-enah mavah, nana-omavah vayah Tave agivah urikiyemah, nana-enaomah vayah kaogi-enah wapah kawindiyah sumah, nanavayah ogi-ena viyemah, nanavayah ogi-enah viyoh pih agavevevo, pih ka-enah taveh agih urikenah pigo piyaveh kiripah pindana-gah moh napiyoh. ⁹ Tigeh pundirih urindirih pumah, avindirih nagepindih nagah ritaenda namavah, tigevah piyambah piginah Anutu andah puruyah garama-vah tigege miyenoh. ¹⁰ Nagevah taveh yagara-gah namupu wauwe nanavi-emah iwavah, nageh kagah napinata-e kagah tigevah. Tagataga-neh. ¹¹ Nagevah piya-evah ka-unduwe tigeh urimikena-vah ka-enaneh kawindagi minduwe mavah. Nagevah agoh agarinduwe amundanah pikena-enah nanavi-emah nagepindih ayemah yagah wikena-enah windipah. ¹² Nagevah agoh napuwe oka-enah kawindah kinah misumape okena-enah windah kinah misumape. Ayaemah kitape ayaemah enarepeh, nagevah nasanah urikenah keh kivenavah pundah nasanah ganah vikiyo okenane windiyo okena-enane kawindiye. ¹³ Nageh ayaemah ena-neh pukowopah kegevayah esegi-enah namih Isu pindih pukuwe. ¹⁴ Pigoh, tigevah nauka-mah nageh kundu-enagevah a-esagaveh. ¹⁵ Tigeh Filipai kinapah monon danah agovitipah agoaganda-e, Mesedoniyah atategih, kambah kamonoh namapivah na-oputae amitamah urikenah mapah, tigeh manah pindana-vah pugave. ¹⁶ Tesalonikah mitaoh tapah, nageh pikena-enane kah witagiri-pah okena-enah naopugata-e nagepah. ¹⁷ Kambah okenah amundanah urikenah kikavah agandauwe, kambae. Nagevah agakenah puwe nanavayah peganah Anutu kamikivin danagah. ¹⁸ Nagevah ayaema-enah urindah kaga-enah yagah. Epaproditu-sih tisah aisah gatamb endana yagah uritahuwe. Pindana-vah ogih agundaena-e Anutu-vah Pindanaga-vah avuvamah amuh puwindana-e. ¹⁹ Anut nemba-vah ayaema enagah kasakive pah timikiye, ayaemah ogi-enah wandagah, Isu Mesiyah Taveh agirah. ²⁰ Ivawah Anutu-vah Taveremba-e, taveh agih umah andah puwakiye. Taganeh. ²¹ Ayaemah imatiti-vah wawah Isu Mesiyah pindih amuh kamana-pah. Tigeh nanatah varah kegava-yah nagege mindabe-pah amuh kamana tigeh yagah uritaeh. ²² Matasah timatitih wawah amuh kamana uritae. Sisah namatasah kinah kavenape amuh puritae. ²³ Ataih kinah Taverembah Isu Mesiyah yandah ewasa-enah wapah tige timatitih enageh wiyenoh.