Sapta 2
1
Pipah Isu-vah tindavih pindi-vah umah egepuritae? Pipah agevah tigekah avuvavayae pih omavayah tindah paruh puma akusaritae? Pipah Awamusa omapindih mindae? Pipah tigevah tovinagih kavah tindarapeye?
2
Pipah piyaemah, pigoh ogi-enando puitayo, namun dana-vah avagih tavakiye. ayaema-vah kanapi-enah tovinagih kavah pu-itaiyo. Tigevah ogimando tinda parumah mi-iyo.
3
Tigevah tiyetih kavah apuvamah, tigetih eriyah puma tavetigih urikenaga-vah apiyo. Kambae. Tigeripah tivamuh mavindi merukasi-mah tigevah napiyo tovinagih ogi-enah purite kavah napimagiri tigaseka-kah.
4
Tigevah tigetin daena-mah apiyo. Kambae. Kakah kinamba gavah towandayo wembandayo ogi-emah evavoto iyomemah ogimah mi-iyomah.
5
Tigevah kamasa napi-enah piyo piyamba Isu Mesiya urindih sapumah.
6
Anutu-vah taga tagah mindiye, piyavipah pih avameh kamba upevevuriye piyamah kamasa pumah Anutu kanda-mah. Kambae.
7
Agevah pih avamepah agoh kasaeh, ageva-pah ikavapah kavindah eriyah kinane. Agevah piyamba warakayane.
8
Wasana-mih agaepah warakayane. Ageva-pah avamah marih merukasi-mah Anutu kamana egarae, itaetih puritae, tagane, piyamah takae puritae.
9
Pinah agorakah Anutu-vah Isu-pah pinah agorakah asivasih potatae piyemah asivasih umah inatah potatae. Anutu-vah kah ogih agih amitae pih agih amitipah tonigi-vah agasimae.
10
pih agepah Isu amitae, ayaemah kinah toh kaisa-ena mandah pindive igevah Isu orapah irakavi-mah ageh amendah pindih mi-iyomah.
11
Ayaemah piyaema arakenah, Isu Mesiya-vah Tave-emah. Piyaema ikivenda-nah omavah Tave Tavaremba-vah Anutu-ye.
12
Piyah peginah, tigevah Nageh kinataka pah, piyamah Nageh kumanah egah kagah vi-epah, Pih kanata-pah kambah tigegeh mita-taotah naneh, pih kanatapa okaenah avora-pah nomah kambah tigege-vah mitauwe. Tigevah karu pirindiri eriyapah esegimah eriyapa piyoh tigeripah agoh Anutu tavamah avorah tatah emah.
13
Pipah nanvi-emah, Anutu agevah eriyah pegina-vah tigevah tivamah eriyah pikive-kah piyah veginah ageva-gah amundanah peneh.
14
Ayaema-nah tigeh pendanah, tigevah atimokai-pah undirih akendana-vah apiyoh.
15
Piyah enah pumagirih tigevah wasanah gandamah mi-iyoh kambah kunda-enah wiyegiri aratah mi-iyomah, piyamah Anutu yagah ramiyesah pumah i-utih iruturu-enah kapumah. Piyah pekirih tigevah kanekenda-mah kinambike ivakapih ewasana-enah Pumah mamavih mikive-e.
16
Esegi-mah Anutu kamana-pah umamiyoh pipindi-vah aumah windikah Isu kanata-pah namupu-akive. Pigoh nagevah napiwe kamibah ugasugah kih wamah minduwe mavah.
17
Pigoh tigeve kamasah naumane-pah tigeh timatiti-enah pikive pindih asunukae wakiye, nageh ayaema-vah namunda-navah tigege wikiye.
18
Pigoh tigeve kamasah amundanah nagegeve piyoh.
19
Pigoh piyah peginah nagenda-vah namatitih navah inatisah yagara Isu pindih windiye tigetih Timoti avakah asugakena-vah pih kanatah, pipah nanavi-emah Tige kaogi-enah pendana-gah avikenah puwe, pipah nageke-vah esegi-enageh namikivi kagah.
20
Pipah nanah piyemah, nagendah kayagah ravah kamindiye age-agoh urindi-sah pumavah, kegih tigeh kavah yagurita-gah veyeh.
21
Pipah nanah piyemah, igevah igewih eriyah kaisah kinambi-vah pundinih Isu eriyah pikene-vah kambah napigawe.
22
Ogi-enah agendah tigevah pikena-vah aganda-e, kamasa pumah yagara-mah avamba-e, kamana avimah egarasah pumah, timoti-vah kanagirah kamana-vah pindih eriyah puseh.
23
Nagevah agagah teginda-e, pindanah nagege ogimah wakivih gavah pigoh Timoti-vah avagah agaruwah kanakiye.
24
Piyave ginah esegih namatiti enapah inatisah yagara-mah pindih atateginah nagenape avagah yagando kanakuwe.
25
Nagevah piyambah napuwe
ogi-enah wambah daga-vah Eparoditu-sih wanomah tigetih, agevah nanando-e kapih eriyah kinatasa-e kapih eriya-pah piyambah pugawuse agendanah kinah kanda-mah, tigeh kanamah meteh kanama eriyah kinandene.
26
Nanavi-emah agevah esegimah teginah tigege amikenagah, nanavi-emah, inu-enah aviyemah tigeh avitaetah kagah.
27
Tagane inuh umah agarakah purita-e, piyah putaginah Anutu andarah potata-e, kambah ageh asa-andoviye, Anutu-vah nageke andarah pumah tata-e, nanavi-emah kambah kunda-enave napinah pa-enaveh uromah.
28
Piyamah napi-enanepah piyambane aisah ganomah, agandiripah amupota iyomah piyah pigih namupundah nandah paru-enah umah miyenoh.
29
Epafredaitu-sih pah aogih amundanah rasah avapiyoh inatisah yagara-mah Agevah piyah kinapah aogih pota-iyoh agekandah yagara-vah.
30
Isu eriyah takagah agah purita-e. Kambah aumah wakavah e-kuru pundah nagetah ambah eriyah puta-e, tige maruh umah pih eriyapah puta-e.