¹ Maa uvara quqaa uva tivataara, vaiinti nahenti virara quqaa uvave tivakeha homa iriqi vivara: Ihura vaiinti nahentiqaa raqiki varia kaiqava koqe kaiqa vaivarora tiro, homa vaiinti vovano vikaiqara varaata iraro varaanaro. ² Ihura vaiinti nahentiqaa raqiki variarira vaiitiva avuqavuqama keharo nuarira vaiintivama variari. Nahenti vohaiqa varataariravama variari. Kia namari neharo vueraiqiarira vaiintivama variari. Viva avu aato koqemakero raqikiqiro vuariravama variari. Vaiinti nahenti vi vaiintirara koqe vaiintive ti vaivama variari. Viva koqema keharo niarahainauka nai naavuqi ntita vateharo kara nimi vaiva variari. Vi vaiintiva Kotira uva okara vaiinti nahenti koqemakero numiqai vaiintivama variari. ³ Vi vaiintiva kia iha namari neharo vueraiqiarira vaiintivama variari. Viva kia vaaka arara itairaro vaiinti nahenti raquariravama variarira. Vi vaiintiva ihaqama kero kahaqi vai vaiintivama variari. Vi vaiintiva kia monuara noraiqama kero muntuka ntuarira vaiintivama variari. ⁴ Viva nai naata vaintiqaavata koqemakero raqikiariravama variari. Vira vaintivara vira uva koqemake iriqi vi vai vaiintivama variari. ⁵ ( Nai naata vaintiqaata kia koqema kero raqiki vai vaiintiva nantiakeroe Ihura vaiinti nahetiqaavata koqema kero raqikiqiro vuanaro? Kia mintianaro.) ⁶ Kia Ihura vainti qaraaka vaiintivano noraiqama viro Ihura vaiinti nahentiqaa raqikiqiro vuari. Hauri viva noraiqama viro te nora vaiintima vauro tiantora. Viva mintiaqiro viraro vira kaara Kotiva Sataaniraqaa uva vataintema kero, viraqaavata uva vataantora. ⁷ Vi vaiintiva vaireva, koqe vaiintivano vairamanta ekaa qaqi vaiinti nahentivata vi vaiintirara koqe vaiintivema tivara. Viva kia mintira vaiintiva vairera, qaqi vaiinti nahenti virara ora vaiintive tivaro vira kaara Sataaniva vi vaiintira ravaaqavu kairaro qora aaraqaama vuanaro. ⁸ Ihura vaiinti nahentiqaa raqiki vaira vaiintira aanante vira kahaqi vaika, vinavukavata koqe vaiintiqai variata. Vinavuka avuqavu niha nai uva tivatera avataqi viha quqaa uvaqai ti vaika variata. Vinavuka kia airi uaini ne vaika variata. Vinavuka kia monuara voqamake muntuka nti vaika variata . ⁹ Vinavuka koqe avu aatoqaa niha, quqaa uva Kotiva ovaraiqamakaira tiva nimiqi vuata. ¹⁰ Are vinavuka noraiqama kareva iharama vinavuka kaiqa naane tavana.Are tavairo vinavuka vi kaiqara koqemake varaivera, are vinavuka noraiqama kaira vinavuka Ihura vaiinti nahentiqi kaiqa varaqi vuata. ¹¹ Vinavuka naatavaravata koqe nahentima variata. Vinavuka naatavaranavu vaiha kia vora turoqare vora turoqare i uvara tivaqi viraiti, vinavuka avu aato koqe iro vaira variqi viha vinavuka eka kaiqa nimira kia hampi vararaiti, avuqavuqama keha vare vai nahentikama variata. ¹² Ihura vaiinti nahentiqaa raqiki vaina vaiintira vira kahaqi vaiva, vivata nahenti vohaiqa vataavama variari.Vi vaiintiva koqema kero nai vaiintiairaqaavata nai naavuqi vaikaqaavata raqikiqiro vuarirava variari. ¹³ Naantiaraihainaa vaiinti vinavuka noraiqamavi Ihura vaiinti nahentiqi koqemake kaiqa varaivera, vinavuka nutuvano viriniqira vinavuka kia qetaraiti, vinavuka nai Karaitirara kempukaiqamake iriqi vi vai okarara tivanimiqi vivara. ¹⁴ Te inaraiqa varike ari oru tavarera vaunara. Vo haikavano ti ravaaqavu kairaqe kia vaaka oru ari tavaroraveti, te maa qarara ari ntuva amite. Are Kotira vaiinti nahenti nantimake variqi vi vai okarara kankomakera iriane ti, te maa qarara ari ntuva amite. ¹⁵ Vira vaiinti nahenti vaireka vika Kotiva qaqi variqiro vi vaira naavuqi variaka voqaarama variaraka voqaarama variara. Paama tivakero naavu kaara arataiva naavu aqu amite vaintemake, Kotira vaiinti nahenti vira quqa a uvaqaa koqemake rakiqi vi varira. ¹⁶ Ike,Kotiva nai uva qovaraiqamake uvava nora uvama vairo. Vi uvava mantimama vairo:Karaitiva vaiinti vaata voqaramakero vataini ovaraiqama vimanta vaiinti nahenti vira tavarave. Vo vatanaa vo vatanaaka virara uva tiva nimiara iri, virara uqaa vivave tiara. Kotiva vira vita kaivaro viva naaruvaini virave.