1
Harim gut, Wasman bilong Israel, yu husat i go pas long soim rot long Josep olsem ol sipsip, yu husat i stap antap long pawa bilong ensel na soim yu yet long mipela.
2
Long pes bilong Efram, Bensamin na Manase, soim stron bilong yu na kam na helpim mipela.
3
God Yawe Bikpela, helpim mipela, mekim pes bilong yu i lait antap long mipela na mipela bai i stap gut.
4
God Yawe, God Antap Tru, olsem wanem na yu belhat yet long ol manmeri bilong yu taim ol i prea long yu?
5
Yu bin givim ol bret bilong ai wara na givim ol ai wara long drin i kam long bikpela namba.
6
Yu mekim mipela olsem samting bilong ol lain i stap klostu long mipela bai i kros long en na ol birua bilong mipela i lap long mipela namel long ol yet.
7
God Yawe Antap Tru, helpim mipela, larim pes bilong yu i lait antap long mipela na mipela bai i stap gut.
8
Yu kisim wanpela rop wain i kam aut long Isip, yu rausim ol kantri na planim ken.
9
Yu rausim olgeta samting long graun, ol samting i planim ol yet i go daun long graun na pulapim olgeta hap graun.
10
Ol han bilong diwai sida bilong God Yawe i karamapim ol maunten wantaim seid bilong en.
11
Em i salim ol han bilong diwai i go longwe long solwara na ol liklik han rop bilong diwai i go long wara Yufretis.
12
Bilong wanem na yu brukim daun banis bilong em na ol man i wokabaut long rot i kisim pikinini kaikai bilong en?
13
Ol wel pik autsait long bik bus ol i bagarapim en na ol wel animol i kaikai long en.
14
Tanim i kam bek, God Yawe Antap Tru, long heven yu lukluk i kam daun na luksave long ol na lukautim ol dispela rop wain.
15
Dispela em rop bilong diwai han sut bilong yu i bin planim long en na nupela kru yu bin mekim em i kamap.
16
Ol i bin kukim na katim i go daun, ol i bagarap long wanem yu bin tok stron long ol.
17
Larim han bilong yu i stap antap long man husat i stap long han sut bilong yu, em pikinini bilong man husat yu givim stron bilong yu long em.
18
Olsem na mipela bai i no inap tanim baksait long yu, mekim mipela i kamap nupela ken na mipela bai singaut long nem bilong yu.
19
God Yawe, God Antap Tru, helpim mipela na larim pes bilong yu i lait antap long mipela na mipela bai i stap gut.