¹ Singsing bikpela long God Yawe em i stron bilong yumi, singaut wantaim amamas long God Yawe bilong Jekop. ² Yumi singim song na paitim tambarin, winim mambu na paitim gita wantaim. ³ Winim trampet long dei bilong nupela mun na long dei bilong bikpela mun na long dei bilong bikpela kaikai i kamap. ⁴ Dispela em i lo bilong ol Israel, God Yawe bilong Jekop i givim long lukautim ol. ⁵ Em i soim lo long Josep taim em i go tok pait long graun bilong ol Isip, long hap mi harim singaut na mi no inap tingim. ⁶ " Mi rausim olgeta hevi long solda bilong em, han bilong em i bin stap nating long holim bilum. ⁷ Insait long bikpela pen yupela i singaut na mi helpim yupela, mi harim yupela insait long blekpela klaut i pairap. Mi bin traim yupela long wara bilong Meriba. Sela* ⁸ Harim, olgeta manmeri bilong mi, mi bai givim tok lukaut long yupela, Israel, sapos yupela inap harim mi! ⁹ Olsem na i no gat narapela god bai i stap namel long yupela, yupela i no ken lotu long ol god bilong narapela hap. ¹⁰ Mi God Yawe, God bilong yupela, mi kisim yupela i kam aut long graun bilong ol Isip. Opim maus bilong yupela i go bikpela tru na bai mi pulapim. ¹¹ Tasol ol manmeri bilong mi i no harim tok bilong mi na ol Israel i no bin bihainim tok bilong mi. ¹² Olsem na mi mekim planti bilong ol i kamap aipas na ol bai i mekim wanem samting em i gutpela long ol. ¹³ O, olsem wanem ol manmeri bilong mi inap harim tok bilong mi, O, olsem wanem ol manmeri bilong mi inap wokabaut long rot bilong mi. ¹⁴ Orait hariap tru bai mi winim birua bilong ol na tanim han bilong mi i go pait bek long ol man i no save stap wanbel. ¹⁵ Olsem na les man bilong God Yawe, bai i kam bek wantaim poret bilong em! Larim ol arapela i mekim save long ol long daunim ol oltaim. ¹⁶ Mi inap givim kaikai long ol Israel wantaim gutpela wit na bai mi inapim yupela wantaim hani ol i rausim long ston."