¹ Bai mi singaut i go long God Yawe na bai mi singaut i go long God Yawe na God Yawe bilong mi bai harim mi. ² Long taim bilong hevi mi save painim Bikpela na long nait, mi hapim han bilong mi na han bilong mi i no inap les. Bel bilong mi i no amamas long stap isi. ³ Mi tingting long God Yawe taim mi wari liklik; mi tingting long em na tingting bilong mi i sot. Sela* ⁴ Yu larim ai bilong mi i op i stap na mi pilim nogut long toktok. ⁵ Mi bin tingting long ol olpela ol dei i go pinis na ol taim i kam i go. ⁶ Long nait taim mi wok long tingting long singsing mi bin singim, mi wok long tingting gut long painim wanem samting i bin kamap. ⁷ Bai Bikpela i no laikim mi olgeta? Bai em i no inap soim mi gutpela pasin ken? ⁸ Na olsem wanem? mekim kontrak na holim pas bilip i go olgeta na tok promis bilong em bai i no ken kamap gen? ⁹ Ating God Yawe i lus tingting long gutpela pasin bilong em? Ating belhat bilong em i pasim pasin bilong bel sori? Sela. ¹⁰ Mi tok,"dispela em i tok sori bilong mi: taim han sut bilong God Yawe antap tru istap long mipela." ¹¹ Tasol bai mi tokaut na litimapim ol wok bilong yu na God Yawe bai mi tingim ol gutpela wok bilong yu long taim bipo. ¹² Bai mi tingting tumas long ol wok bilong yu na bai mi soim long pasin. ¹³ Pasin bilong yu, God Yawe, em i stretpela na wanem gaiman god i wankain olsem Bikpela God Yawe bilong mipela? ¹⁴ Yu dispela God Yawe i save mekim ol gutpela samting na yu bin soim ol stron bilong yu namel long ol manmeri. ¹⁵ Long bikpela stron bilong yu yet, yu mekim ol manmeri bilong yu i win, em ol lain tumbuna bilong Jekop na Josep. Sela ¹⁶ Ol wara i lukim yu, God Yawe, ol wara i lukim yu na ol i poret; aninit tu long wara i guria. ¹⁷ Ol klaut i kapsaitim wara na ol skai i pulap wantaim klaut i mekim nois na ol spia bilong yu i flai nabaut. ¹⁸ Bikpela singaut bilong yu i kamap insait long win na lait bilong laitnin i lait i go long olgeta hap bilong graun na graun i guria na i kirap nogut. ¹⁹ Rot bilong yu i go namel long solwara na i go namel long bikpela wara i save kirap na i no gat lek mak bilong yu. ²⁰ Yu go pas long ol manmeri bilong yu olsem sipsip long han bilong Moses na Aron.