¹ God Yawe i mekim em yet i kamap ples klia long Juda na ol i save long em na nem bilong em i bikpela insait long Israel. ² Haus sel bilong em i stap long Salim na em i save stap long Saion. ³ Long hap, em i brukim spia bilong bunara, stronpela hap ain olsem banis, bainat na ol narapela samting ol i save usim long pait. ⁴ Long maunten yu bin kilim ol birua bilong yu, taim yu bin kamdaun, yu soim glori bilong yu na em i lait bikpela tru. ⁵ Ol stronpela man bilong pait i kisim bagarap na ol i dai. Ol man bilong pait i nogat stron. ⁶ Yu tok stron, God Yawe bilong Jekobp, olsem na ol man bilong lukautim hos ol i pundaun pinis. ⁷ Yes, God Yawe, yu tasol bai mipela i poret long yu na husat inap long sanap long ai bilong yu taim yu belhat? ⁸ Long heven ol i harim kot bilong yu na graun i poret na stap isi ⁹ taim yu, God Yawe Bikpela, i sanap long mekim kot bilong skelim ol manmeri na kisim bek ol manmeri i bagarap na stap long graun. ¹⁰ Tru tumas, stretpela kot bilong yu long ol manmeri bai givim biknem long yu na yu redi tru long pait wantaim belhat i stap yet long yu. ¹¹ Mekim ol tok promis i go long God Yawe, God Yawe bilong yu na bihainim gut. Yupela ol manmeri i stap arere i mas karim ol presen i kam long dispela man yumi save poret long em. ¹² Em i rausim spirit bilong ol pikinini man bilong king na ol king bilong graun i save poret long em.