¹ Mipela givim biknem long yu, God Yawe Bikpela na mipela tenkyu long yu, long yu putim ples klia nem bilong yu na olgeta manmeri i toktok long gutpela wok bilong yu. ² Bihain long taim mi yet i makim, bai mi mekim stretpela kot. ³ Maski graun na olgeta samting i stap antap long graun i guria na i poret, mi bai mekim as bilong graun i sanap stron. Sela* ⁴ Mi tokim ol man bilong apim nem bilong ol yet olsem, "Noken apim nem bilong yupela yet." Mi tokim tu ol man bilong sakim tok olsem, "Noken apim nem bilong yupela yet olsem yu winim kom bilong bulmakau na mekim nois. ⁵ Noken apim nem bilong yupela i go antap tru olsem yupela winim kom bilong bulmakau na mekim bikpela nois, noken toktok olsem ol man i no save sem." ⁶ Em i no long hap san i kamap, o long hap san i go daun, o em i no kam long ples nating. ⁷ Tasol God Yawe Bikpela em dispela man bilong skelim man. Em tasol i save givim sem na daunim man na em tasol i save givim biknem na apim nem bilong man. ⁸ Belhat bilong God Yawe i olsem kap i pulap long stronpela wain, ol i putim planti samting bilong pait na ol i kapsaitim i go. Klostu taim bai olgeta manmeri bilong graun i save sakim tok bai drin dispela wain. ⁹ Tasol mi bai tokaut yet long wanem samting yu bin mekim na mi bai litimapim God Yawe Bikpela bilong Jekop. ¹⁰ Na God Yawe Bikpela i tok olsem, "Mi bai daunim nem bilong ol manmeri bilong sakim tok tasol long ol stretpela manmeri bai mi givim biknem na apim nem bilong ol."