¹ Tru tumas God Yawe i gutpela long ol lain Israel ,husat bel bilong ol i stap klin. ² Tasol long mi, lek bilong mi i no wokabaut gut na klostu mi pundaun, ³ long wanem mi i no amamas long ol man i save apim ol yet na mi lukim ol i gat planti samting long ol pasin nogut bilong ol. ⁴ Olsem na ol i no pilim pen inap long taim bilong dai, tasol ol i gat stron na ol i kaikai gut. ⁵ Ol i fri long hevi bilong ol narapela man na ol i no kisim bagarap olsem ol narapela man. ⁶ Pasin bilong apim ol yet i olsem bilas i raunim nek bilong ol na pasin bilong bikhet i olsem longpela klos ol i putim. ⁷ Ai bilong ol i pas na ol i mekim sin, olsem na bel na tingting bilong ol i pulap wantaim pasin nogut. ⁸ Ol i tok bilas na tok nogut na ol i apim ol yet na daunim ol narapela man. ⁹ Ol i tok nogut long God Yawe long maus bilong ol na apim ol yet na wokabaut long graun. ¹⁰ Olsem na ol manmeri i harim tok bilong em na em i rausim wara i pulap i kam aut. ¹¹ Ol i tok, "God Yawe i save olsem wanem? Ol i ting olsem God Yawe Antap Tru i nogat save i wankain olsem ol?" ¹² Lukluk gut, ol dispela manmeri nogut ol i no save wari long narapela manmeri, ol i save laik long i gat planti samting. ¹³ Tru tumas, i nogat as, mi i lukautim bel bilong mi na wasim han bilong mi long soim olsem mi nogat asua. ¹⁴ Long olgeta dei, yu mekim mi kisim bagarap na long olgeta monin yu mekim save long mi. ¹⁵ Sapos mi bin tok, "mi bai tokim ol dispela samting," bai mi giamanim ol tumbuna pikinini bilong yu. ¹⁶ Maski mi traim long kisim save long ol gutpela samting, em i hat tru long mi. ¹⁷ Bihain, mi go long haus bilong God Yawe na save gut long wanem bai kamap long ol man i mekim pasin nogut, taim ol i dai. ¹⁸ Tru tumas, yu putim ol dispela manmeri long ples nogut na yukisim bagarap i kam long ol. ¹⁹ Ol i kamap olsem ples i drai hariap tru na ol i kam arere tru nao dai bilong ol i nogut stret. ²⁰ Ol i olsem driman tasol. Bikpela, taim yu kam, yu bai i no inap tingim ol dispela driman. ²¹ Bel bilong mi i sori na mi i pilim bikpela pen insait long mi. ²² Mi olsem man i sot long gutpela tingting na mi kamap olsem animol i nogat tingting long pes bilong yu. ²³ Mi save stap wantaim yu na yu holim han sut bilong mi. ²⁴ Yu bai lukautim mi wantaim gutpela tingting bilong yu na bihain bai yu kisim mi na givim mi biknem. ²⁵ Husat mi i gat long heven? Em yu tasol. I nogat wanpela man long graun, mi laikim moa long yu. ²⁶ Bodi na bel bilong mi i nogat stron moa, tasol God Yawe, em i stron bilong bel bilong mi oltaim. ²⁷ Husat ol i stap longwe long yu bai i pinis olgeta na yu bai bagarapim olgeta husat ol i no bihainim stretpela pasin bilong yu. ²⁸ Tasol long mi yet, mi laik long kam klostu long God Yawe. Mi mekim Bikpela God Yawe i kamap ples hait bilong mi. Mi bai tokaut long olgeta gutpela samting yu i mekim long mi.