¹ God Yawe yu mas lainim king bilong yu long bihainim stretpela pasin na lo bilong yu. Na olgeta stretpela pasin bilong yu long pikininin man bilong King. ² Na em bai skelim ol manmeri bilong yu wantaim stretpela pasin na mekim gut long ol rabisman. ³ Na yu ken kamapim bel isi na stretpela pasin long ol manmeri. ⁴ Na em i ken skelim pasin nogut bilong ol manmeri na helpim ol pikinini i sot long samting. Na daunim ol man i laik mekim nogut long ol arapela. ⁵ Ol manmeri bai lotu long yu taim san i no lait yet na olsem tasol bai mun i lait i go inap long ol manmeri i kam bihain tu. ⁶ Na em i mas daunim em yet na pasin bilong em bai i olsem ren i stap antap long ol gras ol i katim pinis. Na i olsem liklik ren i pundaun antap long graun. ⁷ Na long taim bilong em olgeta stretpela pasin tasol i mas kamap. Ol gutpela pasin i mas kamap taim mun i no lait yet. ⁸ Na em bai bosim solwara i go inap long solwara na Wara i go inap long arere bilong graun. ⁹ Ol manmeri i stap long ples nating i mas brukim skru na lotu long em. Na ol birua bilong em bai kaikai das. ¹⁰ Ol King bilong Tasis na bilong ol ailan bai i givim presen long em. Na ol King bilong Seba na Seba i kisim presen i kam long em. ¹¹ Tru tumas bai olgeta King i brukim skru long pes bilong em. Na olgeta manmeri long olgeta hap graun bai mekim wok bilong em. ¹² Em i save helpim rabisman i nogat arapela man inap long helpim em na em i save helpim man i sot long samting i singaut long em. ¹³ Em i marimari long ol rabisman na ol manmeri i sot long ol samting na em i save mekim gut long ol . ¹⁴ Em i kisim bek ol long han bilong ol man nogut i laik bagarapim ol. Ol dispela manmeri husat blut bilong ol i dia tumas long ai bilong em. ¹⁵ King i ken i stap laip. Ol Seba i ken givim gol long em. Na ol manmeri i mas beten long God Yawe bai em i ken blesim em long olgeta taim. ¹⁶ Planti rais na wit i kamap long graun na antap long het bilong ol maunten bai i kamap gutpela. Ol pikinini kaikai bai i kamap planti olsem ol i save kamap long Lebanon,. Na ol manmeri bai i kamap olsem ol gras i save kamap long olgeta hap Taun. ¹⁷ Taim san i wok long kam antap, nem bilong em bai i stap yet oltaim. Na olgeta manmeri bai litimapim nem bilong em. Na olgeta Kantri bai Lotu long em. ¹⁸ Litimapim nem bilong God Yawe, em God Yawe bilong Israel em wanpela tasol i save mekim olgeta gutpela samting. ¹⁹ Litimapim biknem bilong em oltaim na stronpela lait bilong em i ken inapim olgeta hap long graun. I tru olgeta. ²⁰ Olgeta prea bilong Devit pikinini man bilong Jesi i pinis.