¹ Long yu, God Yawe, mi kisim helpim bilong mi na no ken larim ol man i semim mi. ² Helpim mi na mekim mi stap gut insait long stretpela pasin bilong yu, putim yau long mi na helpim mi. ³ Yu kamap ples hait bilong mi olsem ston na bai olgeta taim mi bai go long en, yu bin givim stronpela tok long helpim mi, long wanem yu ples hait bilong mi na stron bilong mi. ⁴ God Yawe bilong mi, kisim bek mi long han bilong ol man nogut na ol sin man na long han bilong ol hambak man. ⁵ God Yawe, mi bilip long yu taim mi stap liklik pikinin yet. ⁶ Yu bin lukautim mi taim mi stap long bel bilong mama.Yu tasol i bin kisim mi kam aut long bel bilong mama. Olsem na mi bai litimapim nem bilong yu oltaim. ⁷ Mi kamap olsem wanpela piksa long planti manmeri, yu kamap ples hait bilong mi. ⁸ Olgeta dei bai mi amamas long yu na litimapim nem bilong yu. ⁹ Noken lusim mi taim mi nogat stron na noken givim baksait long mi taim mi kamap lapun. ¹⁰ Ol birua bilong mi i wok long toktok long mi, ol i was long laip bilong mi na toktok long bagarapim mi. ¹¹ Ol i tok, "God Yawe i bin givim baksait long em, bihainim em na kisim em, i nogat wanpela man inap long helpim em." ¹² God Yawe, no ken stap longwe long mi, God Yawe bilong mi, hariap long helpim mi. ¹³ Larim ol man i ken semim ol na bagarapim ol man husat i laik bagarapim laip bilong mi. Larim ol i ken stap aninit long stronpela tok bilong stretim ol man i no daunim na husat i ting long bagarapim mi. ¹⁴ Tasol olgeta taim mi bai bilip long yu na litimapim nem bilong yu i go moa yet. ¹⁵ Bai mi tokim ol long stretpela pasin bilong yu, olsem na mi no save gut long dispela samting.Olgeta dei bai mi tokim ol long yu bin kisim bek mi. ¹⁶ Mi bai kam wantaim ol bikpela wok bilong Bikpela God Yawe, Mi bai tokaut long stretpela pasin bilong yu tasol. ¹⁷ God Yawe, yu bin skulim mi long taim mi yanpela i kam inap nau, olsem na mi tokaut long olgeta gutpela pasin bilong yu. ¹⁸ Tru tumas, taim mi stap lapun na mi gat wait gras, God Yawe, yu no ken lusim mi, long wanem mi bin tokaut long stron bilong yu i go long ol lain i kamap bihain na stron bilong yu long husat bai kam bihain. ¹⁹ God Yawe, stretpela pasin bilong yu i antap tumas. God Yawe, yu bin mekim ol bikpela samting.Husai man i olsem yu. ²⁰ Yu bin mekim mi lukim planti hevi bai kirapim mipela ken na kisim bek mipela i kam antap long graun. ²¹ Bai yu mekim nem bilong mi i kamap bikpela na bai yu mekim bel bilong mi isi. ²² Bai mi tok tenkyu na singim song bilong litimapim nem bilong yu na bilip long yu God Yawe bilong mi. Bai mi singim song na litimapim Holi God Yawe bilong Israel. ²³ Bai mi singaut na amamas taim mi singim song na litimapim nem bilong yu wantaim bel bilong mi olsem yu bin kisim bek mi. ²⁴ Na bai mi tokaut long stretpela pasin bilong yu long olgeta dei, long wanem yu bin putim olgeta birua bilong mi long sem na paulim tingting bilong ol husat i givim hevi long mi.