1
Yu, God Yawe i stap long Saion, mipela i redi long litimapim nem bilong yu.Na bai mipela inapim tru olgeta samting mipela i promis long mekim long yu.
2
Yu save harim beten na olgeta manmeri bai i kam long yu.
3
Pasin nogut i traim long bagarapim mipela.Tasol long gutpela bilong mipela bai yu lusim sin bilong ol
4
Ol man yu makim na kisim i go long haus bilong yu ol i ken amamas.Long dispela haus bilong yu planti gutpela samting i stap.Olsem na ol man i stap long haus holi bilong yu ol i ken belgut na amamas na lotu long yu.
5
Long stretpela pasin bilong yu, yu bai harim prea bilong mipela na wokim gutpela samting.Yu God Yawe bilong kisim bek mipela. Olgeta hap long graun na ol lain i stap longwe long solwara bai bilip na wait long yu.
6
Yu tasol i mekim maunten i sanap gut na bikpela stron i raunim yu.
7
Yu tasol i save pasim solwara i kirap na mekim bikpela solwara i bruk long stap isi na dispela i save mekim ol manmeri i tingting planti.
8
Ol manmeri i stap long olgeta hap bilong graun i poret long lukim dispela samting yu mekim na long hap bilong san i kamap na san i go daun yu mekim ol i amamas.
9
Yu save salim ren i kam daun, long dispela pasin yu save helpim graun i kamap gutpela. Bikpela klaut antap i pulap long ren na yu save givim sid kaikai long manmeri taim yu redim graun.
10
Yu salim planti ren i kam daun na wara i stap insait long graun i save mekim graun i pulap long gris na kaikai i kamap gut.Yu stronim as bilong ol samting i stap antap long graun.
11
Yu gutpela tumas na yu save mekim kaikai i kamap planti olgeta yia na bikpela blessing i pulap long rot bilong yu karis i save go long en.
12
Ol gras long ples drai i save kisim liklik ren wara, tasol maunten i save kisim bikpela ren wara wantaim amamas.
13
Planti sipsip i stap long olgeta hap gras na long ples daun em i pulap long wit. Na olgeta samting i singaut na singsing wantaim amamas.