¹ God Yawe, harim singaut bilong mi na olgeta bel hevi bilong mi na lukautim laip bilong mi na bai mi noken poret long ol birua bilong mi. ² Putim mi long ples hait bilong yu na rausim mi long ol man i save mekim pasin nogut na long ol man bilong mekim planti toktok nogut. ³ Ol i sapim maus bilong ol olsem bainat i sap na toktok bilong ol i olsem spia i sutim mi, ⁴ olsem na ol i sutim tok long man husat i no save long wanpela samting, isi tasol ol i putim giaman tok long em na ol i no poret. ⁵ Ol i toktok long ol yet na tok pas long ol pasin nogut, Ol i givim skul toktok long mekim pasin nogut na pasim tok, "bai husat i lukim mipela?" ⁶ "Ol i tok, em i gutpela tingting mipela i kamap wantaim bilong mekim pasin nogut long ol man." Ol hait tingting na bel bilong ol man i aninit tru. ⁷ Tasol God Yawe bai i sutim ol wantaim spia bilong em na isi tasol bai ol i kisim bagarap. ⁸ Na bai ol i sem nogut tru, long wanem ol toktok ol i bin mekim long maus bilong ol na ol man husat lukim ol bai tanim het long ol. ⁹ Olgeta manmeri bai poret na tokaut long wok bilong God Yawe. Ol bai tingting gut long ol samting em i mekim long ol. ¹⁰ Na ol stretpela manmeri bai amamas long God Yawe na bai ol i go long em na i stap gut, olgeta bel i stap stret bai i kisim biknem long em.