¹ Mekim bikpela amamas long God Yawe na olgeta hap long ples graun; ² Singsing bikmaus long gutpela bilong nem bilong em na mekim biknem bilong em i gutpela tru. ³ Tokim God Yawe, ''Olsem wanem long gutpela wok bilong yu! Wantaim stron bilong pawa bilong yu ol birua bai kam aninit long yu. ⁴ Olgeta hap long ples graun bai lotuim yu na singim song long yu, ol bai singim song long nem bilong yu.'' Sela* ⁵ Kam na lukim wok bilong God Yawe na wok bilong em i kamap wantaim bikpela poret i go long pikinini man bilong ol man. ⁶ Em tanim solwara i go long drai graun na ol i go brukim wara wantaim lek bilong ol na ol i amamas tru long em. ⁷ Em lukautim graun wantaim bikpela stron bilong en na ai bilong em i lukluk raun long olgeta ples graun na em i no larim ol man i save sakim tok na hapim nem bilong ol yet. Sela* ⁸ Givim biknem long God Yawe, yupela ol manmeri na larim nois bilong litimapim em bai ol i harim. ⁹ Em i lukautim mipela namel long ol manmeri i stap laip na em i no larim lek bilong mipela long pundaun. ¹⁰ Long yu, God Yawe yu bin traim mipela na yu traim mipela olsem silva ol i traim. ¹¹ Yu karim mipela i go insait long umben na yu putim bikpela hevi antap long beksait bilong mipela. ¹² Yu mekim ol manmeri wokabaut antap long het bilong mipela na mipela i go insait long paia na wara tasol yu kisim mipela i go long gutpela ples . ¹³ Mi bai kam insait long haus bilong yu wantaim ofa bilong kukim sipsip antap long paia; Na bai mi baim yu wantaim stronpela tok promis. ¹⁴ Long wanem maus bilong mi mekim stronpela tok promis na maus tokaut taim mi stap long hevi. ¹⁵ Bai mi givim ofa bilong kukim ol patpela abus long paia wantaim gutpela smel bilong man sipsip; Na bai mi givim bulmakau na sipsip. Sela* ¹⁶ Kam na harim, yu husat ol manmeri i save poret long God Yawe na bai mi tokaut long wanem samting em i bin mekim long tewel bilong mi. ¹⁷ Mi krai long em wantaim maus bilong mi na litimapim em wantaim tang bilong mi. ¹⁸ Sapos mi bin lukim sin long bel bilong mi, Bikpela bai i no inap harim mi. ¹⁹ Tasol tru tumas God Yawe i harim na em i putim yau gut long nek bilong beten bilong mi. ²⁰ Amamas long God Yawe husai i no givim baksait long beten bilong mi o em i no save abrusim stronpela kontrak bilong em long mi.