¹ God Yawe, harim krai bilong mi na bekim prea bilong mi. ² Long pinis bilong graun bai mi singaut long yu taim bel bilong mi i nogat stron, kisim mi i go long ples em i antap tumas long mi. ³ Yu kamap ples hait bilong mi, yu save helpim mi long han bilong ol birua bilong mi. ⁴ Larim mi i stap long haus bilong yu olgeta taim! Larim mi kisim malolo aninit long win bilong yu. Sela ⁵ Yu God Yawe, bin harim ol promis bilong mi, yu givim mi ol samting olsem ol manmeri husat i save litimapim nem bilong yu. ⁶ Yu bai mekim laip bilong king i stap longpela taim, krismas bilong em bai olsem planti lain tumbuna. ⁷ Em bai i stap long ai bilong God Yawe olgeta taim. ⁸ Bai mi singim ol song long litimapim nem bilong yu olgeta taim na bai mi mekim promis bilong mi olgeta dei.