¹ Mi stap isi na weit long God Yawe, em wanpela tasol bai i kisim bek mi. ² Em yet em i olsem ston na helpim bilong mi, em i stronpela banis bilong mi na bai mi i no inap surik. ³ Wanem taim yupela bai paitim wanpela man na larim em pundaun olsem wanpela banis i no stron? ⁴ Ol i toktok wantaim em long mekim em i mas kam daun long sia bilong em i gat namba long en, ol i laik tru long tok giaman na ol i mekim gutpela tok long em wantaim maus bilong ol, tasol insait tru long bel bilong ol, ol i tok nogut long em. Sela ⁵ Mi bai stap isi na weit long God Yawe tasol, long wanem mi bilip long em. ⁶ Em yet em i olsem ston na helpim bilong mi, em i stronpela banis bilong mi na bai mi i no inap surik. ⁷ Wantaim God Yawe em i helpim bilong mi na em i olsem lait bilong mi, stron bilong mi na ples hait bilong mi i stap insait long God Yawe. ⁸ Bilip long em olgeta taim, yupela ol manmeri, tanim bel na givim laip bilong yupela long em, God Yawe em i ples hait bilong yumi. Sela ⁹ Tru tumas ol man bilong daunim ol yet i olsem samting nating na ol man ting olsem ol i save stap antap em i no tru. Taim yu putim ol long skel, ol bai i nogat hevi bilong ol. ¹⁰ Yu noken putim bilip bilong yu long ol pasin bilong stilim moni samting na yu noken bilip na weit long ol moni na kago nating, long wanem ol bai i no inap karim kaikai na yu noken putim bel bilong yu long ol dispela samting. ¹¹ God Yawe i bin tokaut pinis wanpela taim na long namba tu taim, stron na pawa em bilong God Yawe. ¹² Bikpela, kontrak bilong tok promis em bilong yu olsem na yu givim bek olgeta lain manmeri long wanem samtin ol i bin mekim.