¹ God Yawe, yu rausim mipela i go pinis na yu brukim pinis dispela banis yu banisim mipela, yu bin belhat long mipela pinis na yu mekim mipela kamap nupela ken. ² Yu mekim dispela graun i guria na bruk i go wanwan, yu kamapim ken dispela graun olsem em i seksek yet. ³ Yu mekim na ol manmeri bilong yu i lukim hatpela samting, yu mekim mipela i drin wain na mipela i no wokabaut stret. ⁴ Ol manmeri husat i mekim gut long yu, yu putim laplap long putim antap na soim ol lain husat i save kisim bunara i go. Slea* ⁵ Olsem yu kisim bek mipela yu save laikim na bai yu helpim mipela long hansut bilong yu na harim mipela. ⁶ God Yawe em i toktok long holi pasin bilong em yet, "Bai mi amamas na bai mi skelim ol Sekem na putim i go daun long ples daun bilong Sukot. ⁷ Gileat em bilong mi, Manase em bilong mi na Efraim em i olsem hat kapa bilong mi na Juda em i olsem wokabaut stik bilong mi. ⁸ Moap em i olsem ples waswas bilong mi na Idom em i olsem ples bilong putim su. Na bai mi singaut stron na amasmas long Filistia." ⁹ Husat bai kisim mi i go insait long stronpela biktaun? Na husat bai kisim mi i go long Idom? ¹⁰ Tasol yu, God Yawe, yu i no bin rausim mipela? Yu no i go wantaim ol soldia bilong mi long pait. ¹¹ Givim helpim bilong yu long mipela taim mipela i bumim ol birua bilong mipela na helpim bilong ol man i nogat stron. ¹² Mipela bai amasmas long helpim bilong God Yawe na em bai i krunkutim ol birua bilong mipela i go daun.