¹ Yu mas marimari long mi, God Yawe, ol man i laik mekim nogut long mi! Long olgeta dei ol birua i save kam klostu long pait long mi. ² Ol birua bilong mi i save painim mi long olgeta taim, ol i laik kilim mi i dai na ol i bihainim mi. ³ Taim mi poret long ol, mi bai putim bilip bilong mi long yu. ⁴ God Yawe, mi litimapim nem bilong yu-. Long God Yawe mi putim bilip bilong mi long yu na mi no poret long ol man nating bai i no inap mekim wanpela samting long mi. ⁵ Olgeta taim ol i save tanim ol toktok mi save mekim na ol i save laik long bagarapim mi. ⁶ Ol i save bum ol yet na haitim ol yet na bihainim lek mak na wetim laip bilong em istap. ⁷ Noken larim ol i abrusim ol pasin nogut ol i wokim. Putim ol dispela man long belhat bilong yu, God Yawe, ⁸ Yu kauntim pinis ol hevi mi karim na yu putim ai wara bilong mi insait long botol bilong yu. Ating dispela i no i stap long buk bilong yu? ⁹ Ol birua bilong mi save go bek gen taim mi singaut long yu. Dispela pasin i save soim mi, olsem God Yawe yu bilong mi. ¹⁰ Long God Yawe mi litimapim nem bilong yu na long promis yu mekim long tok bilong yu. God Yawe-- mi litimapim nem bilong yu long promis yu mekim long tok bilong yu, ¹¹ long nem bilong God Yawe mi bilip na mi no inap poret long wanpela samting ol man bai mekim long mi. ¹² Pasin bilong inapim promis mi mekim long yu i stap long han bilong mi, God Yawe bai mi givim tenkyu ofa i go long yu. ¹³ Yu bin helpim laip bilong mi taim ol i laik kilim mi i dai, yu hapim lek bilong mi taim mi laik pundaun, olsem na mi save wokabaut long ai bilong God Yawe long lait bilong kisim laip.