¹ God Yawe; givim yau long prea bilong mi na noken givim baksait long mi. ² Stap isi na harim mi, mi no save malolo long ol hevi i kam long mi. ³ long wanem nek bilong ol biruwa bilong mi, ol i bagarapim olgeta long pasin nogut bilong ol, ol i kisim hevi i kam long mi na bagarapim mi wantaim belhat. ⁴ Bel bilong mi i poret na poret bilong dai i kisim mi. ⁵ Bikpela poret i kam antap long mi na poret i winim mi tru. ⁶ Mi tok, sapos mi gat win olsem pisin! Bai mi flai i go longwe na kisim malolo. ⁷ Lukim, mi bai go stap mi yet long longwe hap, bai mi stap long ples drai. Selah ⁸ Mi bai go hariap long painim ples bilong hait long bikpela win na ren bai i kam." ⁹ Bikpela, bagarapim ol na paulim olgeta tokples bilong ol! Mi lukim bikpela bagarap na kros insait long biktaun. ¹⁰ Dei na nait ol i go long banis, ol i mekim pasin nogut na bagarapim ol yet long namel. ¹¹ Pasin nogut i stap long namel olsem na bagarap na birua i no lusim ples bilong ol. ¹² Tasol em i no wanpela birua husat i toktok stron long mi, olsem na mi ken kisim i kam na husat i les lo mi na apim em yet bai ol i pait long mi, bihain mi bai haitim mi yet long em. ¹³ Tasol em yu, wanpela man wankain olsem mi, poroman na klostu pren. ¹⁴ Mipela wakabaut insait long haus bilong bikpela wantaim planti manmeri. Mipela i harim naispela lotu wantaim. ¹⁵ Larim dai i kam isi long ol, larim ol i go daun taim ol i stap laip long ples bilong ol man i dai pinis, long wanem pasin nogut i stap long ples ol i stap long em, insait namel long ol. ¹⁶ Olsem na long mi, bai mi singaut i go long God Yawe na em bai i helpim mi. ¹⁷ Long abinun, monin na san taim mi no amamas na mi toktok planti long em bai harim nek bilong mi. ¹⁸ Em bai mekim gut long mi na sevim laip bilong mi long ples bilong pait, ol lain husat i pait wantem mi, long wanem ol i planti tumas. ¹⁹ God Yawe em wanpela husat i ken stap oltaim oltaim, em bai harim ol na semim ol. Selah. Ol i no save pretim God Yawe na ol bai i no inap senis. ²⁰ Pren bilong mi i apim han bilong en na laik pait wantaim ol lain husat i stap wanbel wantaim em, em i no bihainim kontrak em i bin mekim. ²¹ Maus bilong em i naispela olsem bata, tasol bel bilong em i no stap gut, toktok bilong en i malomalo olsem oil na yet ol i laik pulim bainat. ²² Putim hevi bilong yu i go long God Yawe na em bai helpim yu, em bai no inap larim ol stretpela manmeri i go long em. ²³ Tasol yu, God Yawe tasol bai kisim ol manmeri husait i save mekim pasin nogut i go daun long ples nogut, taim bilong ol i no pinis yet na bai ol i dai na bai ol i no stap longpela taim long dispela graun, tasol mi bai bilip long yu oltaim oltaim.