¹ God Yawe, helpim mi, long nem bilong yu skelim mi long stron bilong yu. ² God Yawe harim beten bilong mi, putim yau long ol tok long maus bilong mi. ³ Long wanem ol narapela i redi long bagarapim mi, em ol man i no gat sori i laik kilim mi, ol i no save bihainim God Yawe long laip bilong ol. Selah ⁴ Lukim, God Yawe em i helpim bilong mi, Bikpela em wanpela tasol i save lukautim mi. ⁵ Em bai bekim pasin nogut long ol birua bilong mi, long wanem yu save sanap long tok promis bilong yu, bagarapim ol! ⁶ Mi bai mekim ofa long yu olsem amamas ofa long bel bilong mi na mi bai givim tenkyu i go long nem bilong yu, God Yawe, long wanem em i gutpela pasin. ⁷ Long wanem yu bin helpim mi long olgeta hevi, ai bilong mi i bin lukim olsem yu winim pinis ol birua bilong mi.