1
Man i nogat gutpela tingting bai i tok long bel bilong em na i tok, "I nogat God Yawe." Em ol pasin nogut man husat i wokim planti asua na bikhet pasin, na i nogat wanpela i save mekim gut.
2
God Yawe i stap antap long heven i lukluk i kam daun long ol pikinini bilong ol man long luksave na painim husat tru i save harim gut na i painim em.
3
Olgeta i tanim na i go longwe. Olgeta wantaim i bagarap pinis. I nogat wanpela i save mekim gut, nogat wanpela stret.
4
Yu ting ol lain husat i save mekim hait sin ol i no luksave olsem ol i bagarapim ol manmeri bilong mi olsem ol i kaikai bret na ol i no singaut i go long God Yawe?
5
Ol i stap wantaim bikpela poret, olsem i nogat as tingting long poret bilong ol, God Yawe bai i daunim stron bilong ol man husat i laik i kam na birua long yu, em ol dispela lain bai kisim bikpela sem bilong wanem God Yawe i les pinis long ol.
6
O, man bilong kisim bek ol Israel bai i kam long Saion! Taim God Yawe i kisim bek ol manmeri bilong em i kam aut long kalabus, nau Jekop bai i amamas na Israel bai i amamas!