¹ Marimari long mi, God Yawe, marimari long mi, long wanem mi putim tingting bilong mi long yu inap olgeta hevi bilong mi i pinis. Mi stap aninit long win bilong yu long kisim helpim long yu inap dispela hevi i pinis. ² Bai mi krai i go long God Yawe antap tru na long God Yawe husat i save mekim olgeta samting bilong mi. ³ Em bai i salim helpim bilong mi i kam long heven long helpim mi na em i belhat long ol lain i bagarapim mi. Sela* God Yawe bai i salim laikim bilong em long mi na gutpela pasin bilong em na pasin bilong bihainim tok bilong em. ⁴ Laip bilong mi i stap namel long ol laion, Mi stap namel long ol lain husat i redi long daunim mi. Mi stap namel long ol manmeri husat tit bilong ol i olsem spia na supsup, ol lain husat tang bilong ol i olsem bainat i sap tru. ⁵ Nem bilong yu i antap olgeta, God Yawe, antap tru long ol heven; larim glori bilong yu i karamapim olgeta graun. ⁶ Ol i putim umben i go inap olgeta long lek bilong mi; Mi stap long wari.Ol i wokim bikpela hul long pes bilong mi. Ol yet i pundaun namel long dispela hul ol i dikim long en. ⁷ Bel bilong mi i orait, GodYawe, bel bilong mi i orait; Bai mi singim ol song, yes, bai mi singim ol song. ⁸ Kirap, bel bilong mi yu save aninit; kirap, ukulele na gita; Mi bai kirap taim tulait i bruk. ⁹ Bai mi givim tenkyu long yu, Bikpela, namel long ol manmeri; Bai mi singim song long yu namel long ol kantri. ¹⁰ Laikim bilong yu i bikpela tru, i go inap long heven na pasin bilong stap wantaim yu i go inap long ol klaut. ¹¹ Nem bilong yu i antap olgeta, God Yawe, antap long heven; glori bilong yu i antap tru na i karamapim olgeta hap graun.