¹ Marimari long mi, God Yawe, tru long kontrak i stron olgeta; bilong tingim planti manmeri long marimari pasin bilong yu, kamautim ol asua bilong mi. ² Wasim mi long olgeta pasin nogut na klinim sin bilong mi. ³ Mi save long ol asua bilong mi na pasin nogut bilong mi i save stap klostu long mi. ⁴ Long yu wanpela tasol, long ai bilong yu mi mekim sin na ol pasin nogut na tok bilong yu em i stret, taim yu toktok em i save orait long yu taim yu skelim. ⁵ Lukim, mi kamap insait long pasin nogut, taim mama i karim mi, mi bin stap insait long sin. ⁶ Lukim, yu laikim stretpela pasin insait long bel bilong mi na yu lainim mi long gutpela tingting insait long ples hait long bel bilong mi. ⁷ Klinim mi wantaim han bilong hisop diwai na mi bai kamap klin; wasim mi na bai mi kamap klin olsem sno. ⁸ Mekim mi harim krai bilong amamas na bun yu bin brukim i ken amamas stret. ⁹ Givim baksait long ol sin bilong mi na rausim olgeta asua bilong mi. ¹⁰ Mekim bel bilong mi i klin, God Yawe na putim gen gutpela spirit insait long mi. ¹¹ Noken rausim pes bilong yu long mi na yu noken rausim Spirit bilong yu insait long mi. ¹² Givim mi bek amamas bilong kisim bek ol manmeri long sin na pulapim mi wantaim spirit bilong harim tok. ¹³ Na bai mi lainim ol lain bilong mekim pasin nogut long tok bilong yu na ol sin manmeri bai i tanim bel. ¹⁴ Lusim ron bilong mi long kapsaitim blut, God Yawe helpim bilong mi, bai mi singaut wantaim amamas long stretpela pasin bilong yu. ¹⁵ Bikpela, opim maus bilong mi na bai mi tokaut long gutpela bilong yu. ¹⁶ Yu no save amamas long ol ofa ol i kisim i kam long yu na sapos mi givim tu. Yu no save laikim ol ofa bilong kukim olgeta. ¹⁷ Ofa bilong God Yawe em i save kam insait tru long bel bilong man ,God Yawe, yu bai no inap long rausim ofa i kam long bel em i bruk stret long yu. ¹⁸ Mekim gutpela pasin wantaim gutpela bel bilong yu long Sion. stretim ken banis bilong Jerusalem. ¹⁹ Na bai yu kisim biknem long ofa bilong ol stretpela man; ofa bilong kukim long paia na olgeta ofa bilong kukim na bihain bai ol lain bilong mipela i mekim ofa bilong man bulmakau long alta bilong yu.