Song bilong Asap.
1
Bikpela God Yawe, God Yawe, i bin tok olsem na singaut long graun long hap bilong san kamap na long hap san i go daun.
2
Long Saion, dispela naispela bilas em God i bin mekim em i lait.
3
God bilong mipela i kam na em i no stap isi, nogat, paia i go pas long em na i olsem win na ren i raunim em.
4
Em i singaut i go antap long heven na i go long graun, long em i ken kotim ol manmeri bilong em.
5
"Bungim ol lain manmeri husat i holim tru tok bilong mi long bel bilong ol na husait ol i mekim kontrak wantaim mi long ol ofa ol i save mekim."
6
Ol samting antap long heven bai i tokaut long stretpela pasin bilong em na God Yawe em yet em man bilong harim kot. sela
7
"Yupela ol manmeri bilong mi i mas putim yau long mi, mi God Yawe bilong yupela bai i toktok.
8
Mi bai i no inap stretim yupela long ol ofa bilong yupela, long wanem ol ofa bilong yupela paia i kukim pinis olgeta i stap wantaim mi.
9
Mi no inap kisim bulmakau long haus bilong yu, o man meme long hap ol i bung i stap.
10
Long wanem olgeta wel abus long bikpela bus i bilong mi na tu ol bulmakau long liklik tausen maunten.
11
Mi save long olgeta pisin bilong ol mauten na ol wel abus bilong hap graun ol i bilong mi .
12
Sapos mi hangre, mi no inap tokim yu, long wanem, dispela graun na olgeta samting i stap antap long en, i bilong mi.
13
Inap mi kaikai mit bilong ol bulmakau o dring blut bilong meme?
14
Givim ofa bilong tok tenkyu i go long God Yawe na mekim ol tok promis i go long Bikpela antap tru.
15
Singaut long mi long taim bilong hevi na mi bai helpim yu na bai yu litimapim mi."
16
Tasol long ol man nogut God Yawe i tok, "Yupela i mekim wanem long tok bilong mi, em yupela yet i mekim kontrak long maus bilong yupela,
17
Long wanem yupela i no laik harim tok bilong mi na tromoi tok bilong mi i go longwe?
18
Taim yupela i lukim wanpela stilman, yupela i wokbung wantaim em na yupela i stap insait wantaim ol dispela lain husat i save mekim pasin pamuk.
19
Yupela givim maus bilong yupela long ol toktok i no gutpela na tang bilong yupela i tok giaman.
20
Yupela sindaun na tok baksait long brata bilong yupela na daunim nem bilong pikinini man bilong mama bilong yupela.
21
Yupela i mekim ol dispela samting tasol mi bin i stap isi na yupela ting mi wankain olsem yupela.Tasol mi bai stretim yupela na putim olgeta pasin bilong yupela i kamap ples klia.
22
Tingim gut pastaim, yupela husat i lusim tingting long God Yawe, nogut bai mi bagarapim yupela na bai nogat man inap helpim yupela!
23
Man husat i givim ofa bilong tok tenkyu i litimapim nem bilong mi na ol man husat i kamapim tingting hait long wokabaut long stretpela rot, bai mi soim em rot bilong God i save kisim bek man."