Gutpela man bilong pilai musik, long Jedutun. Song bilong Devit. ¹ Long laikim bilong mi, "Mi bai lukluk long wanem mi bai tok na mi noken mekim sin long maus bilong mi. Bai mi pasim maus bilong mi taim mi stap wantaim ol man nogut. ² Mi stap isi tru na mi kisim bek dispela gutpela tok na pen bilong mi i wok long kamap bikpela. ³ Bel bilong mi i hot, taim mi tingim dispela samting, em i lait olsem paia. Na bihain mi tok. ⁴ "God Yawe i mekim mi na mi save long wanem taim bai laip bilong mi i pinis, em i mekim sampela dei bilong mi i go moa. Yu soim mi, olsem wanem bai mi stap longpela taim. ⁵ Lukim, yu wokim ol dei bilong mi i kamap sotpela tru olsem han bilong mi na laip bilong mi i olsem samting nating long ai bilong yu. Tru tumas olgeta man i gat wanpela laip tasol. Sela ⁶ Tru tumas olgeta man i wokabaut olsem ol sedo tasol. Tru tumas olgeta man i hariap long kamap olsem ol man i gat planti samting, tasol ol i no save, husat bai i kisim ol. ⁷ Nau, Bikpela, bilong wanem mi wet? Yu tasol bai yu inap mekim ol dispela samting. ⁸ Helpim mi long sin bilong mi, yu noken lusim mi na bai mi stap olsem man i no gat tingting. ⁹ Mi stap isi tasol na mi no inap opim maus bilong mi na toktok. Bilong wanem, em yu tasol yu bin wokim. ¹⁰ Noken bagarapim mi, mi kisim bagarap pinis long strongpela han bilong yu. ¹¹ Taim yu givim gutpela toktok long ol manmeri long sin pasin bilong ol, yu kaikai ol samting we ol i bin tingim olsem ol binatang. Olgeta manmeri bai stap samting nating olsem win. Sela ¹² God Yawe, harim beten bilong mi, harim mi na harim krai sori bilong mi! Yu noken pasim yau long harim mi, mi i stap olsem man bilong narapela hap i kam stap wantaim yu olsem ol tumbuna bilong mi i bin stap long kalabus. ¹³ Tanim na lukim mi olsem bipo yu save mekim na bai mi amamas pastaim na bai mi i dai."