Gutpela man bilong pilai musik. Song bilong Devit. ¹ Mi stap isi na wetim God Yawe na em i putim yau long mi na harim krai bilong mi. ² Em i kisim mi i kam antap long ples i nogut tru na em i rausim mi long graun i malomalo na em i mekim lek bilong mi stap antap long ston na i fri long wokabaut. ³ Em i putim nupela song long maus bilong mi na mi litimapim nem bilong God Yawe. Planti bai i lukim na givim biknem long em na bai ol i bilipim God Yawe. ⁴ Man husat i save bilip long God Yawe na i no save givim biknem long ol yet na husat i tanim baksait long em i giaman. ⁵ God Yawe, God bilong mi, yu bin mekim planti gutpela samting pinis na tingting bilong yu em i hat long mipela i kauntim, sapos mi tokaut klia na toktok long ol, bai ol i kamap planti na i no inap long kauntim. ⁶ Yu bai i no gat amamas long taim yu givim ofa, tasol yu bin opim yau bilong mi na yu no moa laikim ol ofa ol i mekim na ol ofa ol i save kukim long sin. ⁷ Na em yet em i tok, lukim, mi kam, ol i bin tokaut long mi long buk skrol na pepa. ⁸ Mi amamas long mekim wok bilong yu, God Yawe bilong mi, lo bilong yu i stap insait long bel bilong mi. ⁹ Na mi tokaut long gutnius na stretpela pasin bilong yu long ol manmeri, God Yawe, yu save olsem maus bilong mi i no inap surik long mekim dispela tok. ¹⁰ Mi no inap haitim stretpela pasin bilong yu long bel bilong mi, mi bin tok klia long pasin bilong wokabaut na kisim bek, mi no inap haitim kontrak bilong wokabaut stret o trupela pasin long ol bikpela ples ol manmeri i bung long en. ¹¹ Yu no ken kisim bek pasin bilong laikim mi, God Yawe, larim kontrak bilong wokabaut stret na pasin bilong yu olgeta taim i mas lukautim mi. ¹² Hevi i raunim mi na mi i no inap long kauntim, ol pasin nogut bilong mi tu i bin holimpas mi na mi no moa lukim ol samting, ol i planti tru na i winim ol gras long het bilong mi, na bel bilong mi i hevi. ¹³ Olsem na mi amamas, long God Yawe, long kisim bek mi na hariap long helpim mi, God Yawe. ¹⁴ Larim ol i mas sem na pinisim olgeta wantaim long ol pasin bilong sakim tok, husat ol i bagarapim laip bilong mi i mas klia long dispela hap. Larim ol i mas kam bek na sem long wanem pasin ol i bin mekim long bagarapim mi. ¹⁵ Larim ol i mas guria long sem bilong ol, husat ol i tok long mi, "Ha, ha!" ¹⁶ Tasol olgeta husat i painim yu ol i ken amamas insait long yu, larim olgeta lain husat i laikim yu tumas i mas litimapim nem bilong yu olgeta taim, Olsem na God Yawe bai kisim biknem oltaim." ¹⁷ Mi rabis man na mi laikim samting, tasol bikpela i tingting tumas long mi. Yu olsem helpim bilong mi na yu kam long helpim mi, yu no ken surikim taim, God Yawe bilong mi.