Song bilong Devit. ¹ Singaut long God Yawe, yupela ol pikinini man bilong em, singaut long God Yawe long glori na strong! ² Singaut long God Yawe na givim glori long nem bilong em. Brukim skru long God Yawe na lotuim em wantaim stretpela pasin. ³ Harim singaut bilong God Yawe antap long wara, God i gat bikpela lait i save singaut olsem klaut i pairap, God Yawe i save singaut olsem klaut i pairap antap long ol wara. ⁴ Singaut bilong God Yawe i strong moa na i stap antap tru. ⁵ Singaut bilong God Yawe i brukim diwai sida, God Yawe i brukim diwai sida bilong Lebanon i go liklik hap wantaim singaut bilong em. ⁶ Em i mekim Lebanon i kalap kalap olsem pikinini bulmakau na Sirion olsem yangpela man bulmakau. ⁷ Singaut bilong God Yawe i kam olsem bikpela paia. ⁸ Singaut bilong God Yawe i mekim ples nating i guria bikpela tru na God Yawe kamapim bikpela guria long ples nating bilong Kades. ⁹ Singaut bilong God Yawe i mekim diwai Ok long bruk nabaut na pinisim olgeta diwai long bus i kamap ples nating. Olgeta lain i stap insait long tempel i tok, "Glori!" ¹⁰ God Yawe i stap olsem king bilong bikpela tait wara na i stap olsem king oltaim. ¹¹ God Yawe i save givim strong long ol manmeri bilong em na i save mekim gut long ol wantaim bel isi.