Song bilong Devit. ¹ God Yawe em i lait na marimari bilong mi, bai mi pret long husat? God Yawe em i gutpela ples hait bilong laip bilong mi, bai mi pret long husat? ² Taim ol sin man i kam long mi long bagarapim bodi bilong mi, ol lain birua bilong mi ol i guria na pundaun. ³ Olsem ol ami i stap long wanpela ples i kam long bagarapim mi na bel bilong mi i no pret, olsem pait i kirap strong long bagarapim mi, tasol bai mi stap na sanap strong yet. ⁴ Wanpela samting bai mi askim God Yawe na bai mi kisim, mi bai stap insait long haus bilong God Yawe olgeta dei long laip bilong mi. Long lukim gutpela piksa bilong God Yawe na tingting long stap insait long haus bilong em. ⁵ Long taim bilong hevi em bai haitim mi long karamap bilong em na bai mi stap insait long haus sel bilong em. Em bai apim mi i go antap tru long ston. ⁶ Orait bai mi apim het bilong mi i go antap long ol birua i stap klostu long mi na bai mi givim ofa olsem amamas insait long haus sel bilong em! Mi bai singsing na mekim ol song i go long God Yawe. ⁷ Harim, God Yawe, mi singaut long yu na krai i stap! Sori long mi na helpim mi. ⁸ Bel bilong mi i tok long yu, painim pes bilong em na mi painim pes bilong yu God Yawe. ⁹ Noken haitim pes bilong yu long mi na mekim wokman bilong yu i belhat! Yu olsem helpim bilong mi, yu noken sakim mi o lusim mi. God Yawe bilong kisim bek mi. ¹⁰ Maski papa na mama bilong mi i lusim mi, God Yawe bai kisim mi go insait. ¹¹ Skulim mi long rot bilong yu, God Yawe! Kisim mi go long rot i gutpela, long wanem ol birua bilong mi i stap. ¹² Noken givim mi i go long amamas bilong ol birua bilong mi long mekim save long mi, giaman man bilong sutim tok i kirap long bagarapim mi. Na ol i rausim belhat bilong ol. ¹³ Wanem samting bai inap kamap long mi sapos mi no bilip olsem bai mi inap lukim gutpela bilong God Yawe insait long graun bilong man i stap laip? ¹⁴ Stap strong na wetim God Yawe, larim bel bilong yu i ken stap strong! Wet long God Yawe.