¹ God Yawe, harim beten bilong mi. Putim yau na harim singaut bilong mi na helpim mi. Long maus bilong mi, mi no save giaman long beten olsem na yu harim beten bilong mi. ² Larim yu helpim mi na bai mi winim kot. Yu save lukim wanem pasin em i stret. ³ Sapos yu kam long mi long nait, na yu skelim bel bilong mi, yu no inap lukim tingting nogut i stap long mi na mi no inap toktok long en. ⁴ Olsem ol pasin ol man i save mekim, tok i kam long maus bilong yu i banisim mi long mi noken bihainim pasin bilong kros na pait. ⁵ Mi save wokabaut long rot bilong yu na lek bilong mi i no save abrus. ⁶ Mi singaut long yu na yu bekim beten bilong mi, God, yu harim mi taim mi toktok. ⁷ Long gutpela pasin bilong yu, soim bikpela marimari bilong yu long mipela na helpim mipela long hait long ol birua. ⁸ Lukautim mi olsem yu save lukautim ai bilong yu na haitim mi aninit long han bilong yu ⁹ long ai bilong ol man nogut husat ol i bagarapim mi na ol birua husat ol i banisim mi. ¹⁰ Ol i no save marimari long wanpela man, ol i save toktok tasol long apim nem bilong ol yet. ¹¹ Ol i bihainim lek bilong mi na banisim mi na was long putim mi i go daun long graun. ¹² Ol i olsem laion i laik kilim abus na i olsem yanpela laion i hait i stap long bus. ¹³ God Yawe, kirap na pait long ol birua bilong mi. Kisim bainat bilong yu na pait long ol birua na kisim bek mi long ol pasin nogut. ¹⁴ God Yawe, kisim bek mi long han bilong ol man i save bungim ol samting bilong graun na bai yu laikim tumas long kisim ol gutpela samting, ol bai i gat planti pikinini na bai ol i givim olgeta gutpela samting bilong ol long ol pikinini bilong ol. ¹⁵ Long mi, bai mi lukim pes bilong yu insait long gutpela bilong yu, mi bai pulap gut tru, taim mi kirap long slip, wantaim lukluk bilong yu.