Sapta 18
Gutpela man bilong pilai musik. Song bilong Devit wokman bilong God Yawe, taim em i singsing wantaim tok i go long God Yawe long dispela dei God Yawe i helpim em long han bilong ol birua na long han bilong Sol. Em i singsing:
1
Mi laikim yu, God Yawe, strong bilong mi.
2
God Yawe em i ston bilong mi husat i bin lukautim mi long ol birua bilong mi na kisim mi i kam aut long hevi. Em God bilong mi na ston bilong mi. Na em i kamap ples hait bilong mi na em i stap hap plang bilong mi na kisim bek mi, em i strong bilong mi.
3
Bai mi singaut long God Yawe bikpela, husat i kisim biknem na bai i lukautim mi long ol birua bilong mi.
4
Rop bilong dai i raunim mi na mi nogat helpim, olsem wara i karim mi i go, mi kamap man i nogat nem.
5
Rop bilong dai i raunim mi na kalabusim mi.
6
Mi singaut long God Yawe insait long hevi bilong mi. Mi singaut long God long helpim mi. Em i harim nek bilong mi long haus holi bilong em. Singaut bilong mi long helpim mi, i go long yau bilong em.
7
Na graun i guria na i mekim nois na ol diwai i sanap long maunten i suruk, long wanem God Yawe i belhat.
8
Smuk i go aut long nus bilong em na paia i lait wantaim na kam aut long maus bilong em.
9
Em i opim heven na i kam daun na traipela tudak i stap aninit long lek bilong em.
10
Em i sindaun long man olsem ensel na em i flai, em i flai antap long wing bilong win isi isi.
11
Em i mekim tudak olsem haus sel i raunim em na hevi ren klaut insait long skai.
12
Bikpela ren i pundaun wantaim ais olsem ston na paia, pairap bilong klaut wantaim lait i pundaun long skai we em i stap long em.
13
God Yawe i pairap olsem klaut i pairap long heven na nek bilong God Yawe i singaut bikpela tru.
14
Em i sut long spia na rausim ol birua bilong em i go i kam. Ol spia i sut i go wantu olsem klaut i pairap na ol i go kam.
15
Na stronpela rop aninit long wara i kamaut na stap ples klia. Olgeta samting i holim strong dispela graun i stap nating long tok bilong yu. God Yawe strongpela win i kam aut long nus bilong yu.
16
Em i kam daun long heven na holim han bilong mi! Em i pulim mi aut long ol birua bilong mi olsem wara i tait.
17
Em i rausim mi long strongpela birua bilong mi na long ol husat i les long mi, ol birua bilong mi i strong tumas long mi.
18
Ol birua i kam long mi long taim mi stap long bikpela hevi tasol God Yawe i stap helpim bilong mi.
19
Em i lusim mi i go aut long traipela ples klia na helpim mi i stap, long wanem em i amamas long mi.
20
God Yawe i amamas long mi long stretpela pasin bilong mi
na bringim mi kam antap long wanem han bilong mi i klin.
21
Mi bin lukautim lo bilong God Yawe na mi no mekim pasin nogut na tanim baksait long God.
22
Long olgeta stretpela lo i stap long pes bilong mi, long gutpela nem bilong em, mi no tanim baksait long ol lo bilong em.
23
Na tu mi nogat asua long ai bilong em na mi lukautim mi yet long noken sin.
24
Olsem na God Yawe i kisim bek mi long stretpela pasin bilong mi, long wanem han bilong mi i stap stret long ai bilong em.
25
Long husat i sanap long tok bilong em, yu bai i stap long tok bilong yu, long man husat i nogat asua, yu bai soim mi olsem yu nogat asua.
26
Long husat i stap klin, em bai i soim em yet klin, tasol yu i stap stretpela long husat i stap kranki.
27
Yu lukautim ol manmeri i stap long hevi, tasol yu daunim husat i apim ol yet, long ai bilong ol.
28
Yu givim lait long lam bilong mi, God Yawe God bilong mi rausim mi long tudak na putim lait insait long mi.
29
Wantaim strong bilong yu mi ken ron na abrusim hevi, wantaim God mi ken kalapim bikpela hevi.
30
Long God, pasin bilong em i stretpela tru. Tok bilong God Yawe i nogat doti! Em i kamap olsem hap plang na yumi olgeta save hait long em.
31
Husat em i God, olsem God Yawe? Husat em i dispela ston? God Yawe em tasol.
32
Em dispela God husat i strongim mi olsem let na soim man i nogat asua long rot bilong em.
33
Em i strongim lek bilong mi i ron olsem dia na putim mi long ples i antap.
34
Em i lainim han bilong mi long pait na holim bunara ol i mekim long bras.
35
Yu bin givim mi hap plang long kisim bek mi na mi stap aninit long strong bilong yu. Han sut bilong yu i helpim mi na laikim bilong yu i mekim mi kamap bikpela.
36
Yu mekim ples i kamap bikpela aninit long lek bilong mi, olsem na lek bilong mi i no inap wel.
37
Mi bagarapim ol birua bilong mi inap ol i nogat strong. Mi no lusim ol na go bek inap olgeta i bagarap.
38
Mi bagarapim olgeta inap nogat wanpela i sanap, olgeta i pundaun aninit long lek bilong mi.
39
Yu putim strong antap long mi olsem let bilong pait, yu putim olgeta birua aninit long lek bilong mi.
40
Yu givim mi baksait nek bilong ol birua bilong mi na mi winim ol husat i no laikim mi.
41
Ol i singaut long kisim helpim, tasol nogat man i helpim ol. Ol i singaut long God Yawe, tasol em i no bekim singaut bilong ol.
42
Mi brukim ol liklik olsem das win i karim i go, Mi tromoi ol long rot olsem graun malomalo.
43
Yu helpim mi long kainkain toktok bilong ol manmeri. Yu makim mi kamap het bilong ol narapela kantri. Ol manmeri mi no bin save long ol i stap aninit long mi na helpim mi.
44
Taim ol i harim tok bilong mi, ol i bihainim mi na ol lain manmeri bilong narapela kantri tu i bihainim mi.
45
Ol lain manmeri bilong narapela kantri i guria na kam aut long strongpela ples bilong ol.
46
God Yawe em i stap, larim mi ken litimapim nem bilong yu olsem ston bilong mi. Bai God bikpela husat i kisim bek mi ken kisim biknem.
47
Em i God husat i save givim hevi i kam long ol, husat i stap het bilong kantri na bringim ol i kam aninit long mi.
48
Mi stap longwe long ol birua bilong mi! Tru tumas, yu apim mi go antap long ol lain i no wanbel long mi. Yu sevim mi long man nogut.
49
Olsem na bai mi tok tenkyu namel long ol narapela kantri, God Yawe, bai mi singim song long litimapim nem bilong yu.
50
God i givim bikpela strong long king bilong em na em i soim tok promis bilong stretpela pasin bilong em, long ol man em i makim long en, long Devit na lain tumbuna bilong em oltaim oltaim.