1
Lukautim mi, God, yu ples hait bilong mi.
2
Mi tok long God Yawe, Yu bikpela bilong mi na olgeta gutpela bilong mi i no wanpela samting long yu.
3
Em i gutpela long ol stretpela manmeri bilong God. husat i stap antap long graun .Olgeta amamas bilong mi i stap wantaim ol.
4
Ol hevi bilong ol bai i go bikpela, husat ol i painim ol narapela god. Mi i no inap mekim ofa bilong blut long ol god bilong ol o litimapim nem bilong ol god long maus bilong mi.
5
God Yawe, yu tasol yu makim mi na yu givim mi olgeta samting. Yu holim olgeta samting bilong mi long han bilong yu.
6
Ol graun yu makim bilong mi insait long ol gutpela ples, tru tumas mi amamas long olgeta samting bilong mi.
7
Mi bai litimapim God Yawe, husat i save lukautim mi long nait na em save givim tingting long mi long mekim stretpela pasin.
8
Mi putim God Yawe i go pas long mi olgeta taim, i nogat wanpela samting bai mekim mi guria long lusim han sut bilong em.
9
Olsem na bel bilong mi i amamas, glori bilong mi em long givim biknem long em. Tru tumas bai mi stap laip gut insait long banis bilong yu.
10
Yu i no inap lusim laip bilong mi long ples bilong man i dai pinis. Yu bai i no inap larim ol stretpela man i lukim dispela matmat bilong man ol i dai.
11
Yu skulim mi long rot bilong kisim laip na bikpela amamas i stap insait long yu, amamas i stap insait long han sut bilong yu oltaim.