¹ ''Mi redi long kamap ples klia long ol lain i no lain husait i no painim mi. Mi tok olsem, 'Mi stap hia! Mi stap hia!' long kantri i no bin kolim nem bilong mi. ² Mi opim han bilong mi long ol manmeri bel bilong ol i strong tumas, husait i bin wokabaut insait long pasin i no stret, em ol lain husait i bin wokabaut long tingting na plen bilong ol yet. ³ Em ol manmeri husait i save go yet long bagarapim tingting bilong mi na ofa insait long gaden na kukim paia i gat gutpela smel antap long brik. ⁴ Ol i sindaun long ol matmat na was olgeta nait na kaikai pik wantaim ol hap sup bilong mit ol i tambuim insait long ol dis bilong ol. ⁵ Ol i tok, 'Sanap i go longwe, noken kam klostu long mi, long wanem mi holi moa long yu.' Dispela ol samting i olsem smuk tasol long nus. I olsem paia i lait olgeta dei. ⁶ Lukim, ol i raitim pinis i stap paslain long mi. Mi no inap stap isi, long wanem bai mi bekim ol dispela samting long ol. Bai mi bekim bek inap long asua bilong sin bilong ol, ⁷ long sin bilong ol na sin bilong ol papa bilong ol wantaim,'' God Yawe i tok, ''Bai mi bekim ol pasin nogut bilong ol taim ol i kukim ofa i gat gutpela smel long ol maunten na ol i tok pilai long mi long ol liklik maunten. Bai mi makim tu ol pasin ol i bin mekim bipo.'' ⁸ God Yawe i bin tok olsem, ''Taim ol i lukim wara insait long prut i paspas na i stap, nau wanpela i tok, 'Noken bagarapim, i gat gutpela i stap insait, 'dispela em wanem mi bai mekim long gutpela bilong ol wokman bilong mi. Mi no inap bagarapim ol olgeta. ⁹ Mi bai go kisim ol tumbuna lain bilong Jekop na bilong Juda ol lain husait bai i kisim ol maunten bilong mi. Ol lain mi bin makim bilong mi yet bai i kisim graun na ol wokman bilong mi bai i stap long hap. ¹⁰ Saron bai i kamap ples bilong ol gutpela gras bai ol sipsip i kaikai na gutpela ples daun bilong Akor bai i kamap ples bilong ol bulmakau na sipsip, em i bilong ol manmeri husait i wok long painim mi. ¹¹ Tasol yu husait i lusim God Yawe, husait i lus tingting long holi maunten, husait yu redim tebol bilong kisim samting bihain na pulimapim ol klas wain long inapim mak. ¹² Bai mi makim yu long bainat na bai yu brukim skru long dai, long wanem taim mi singaut, yu no bin bekim, taim mi toktok, yu no bin harim. Tasol yu bin mekim ol samting i no stret long ai bilong mi na wokim pasin i no inapim tingting bilong mi. ¹³ Em wanem God Yawe i tok, ''Lukim, ol wokman bilong mi bai i kaikai, tasol yu bai i hangre, lukim, ol wokman bilong mi bai i dring, tasol nek bilong yu bai i drai, lukim, ol wokman bilong mi bai i amamas, tasol yu bai pilim sem. ¹⁴ Lukim, ol wokman bilong mi bai singaut wantaim amamas long bel bilong ol, tasol yu bai krai long wanem yu bai pilim pen long lewa na yu bai singaut long wanem em i bagarapim bel na tingting bilong yu. ¹⁵ Yu bai i gat nem nogut na ol man bai i mekim tok bilong bagarapim yu olain mi makim bai i toktok. Mi, Bikpela God Yawe, bai i kilim yu. Mi bai kolim narapela nem long ol wokman bilong mi. ¹⁶ Husait man i tokaut long ol blesing bilong graun bai i kisim blesing long han bilong God, em trupela God. Husait man i tok promis long graun bai tok promis long mi, mi God bilong tok tru, long wanem bai mi i lus tingting long ol olpela hevi na ol bai i hait long ai bilong mi. ¹⁷ Olsem na lukim, mi laik mekim nupela heven na nupela graun na ol samting bilong bipo bai i no stap moa o i kam long tingting. ¹⁸ Tasol yu bai i pulap long amamas na amamas insait long wanem samting mi bai kamapim. Lukim, mi laik wokim Jerusalem wantaim amamas na ol manmeri i ken pilim gut. ¹⁹ Mi bai soim bikpela amamas bilong mi long Jerusalem na wanbel long ol manmeri, singaut, krai na wari ol i no inap harim moa long en. ²⁰ Nogat wanpela pikinini bai i stap sampela dei olsem bipo, o wanpela bai i lapun na i dai long taim bilong em. Man husait i dai bihain long 100- yia bai ol i tok em i yangpela man na man husait i dai pastaim long 100- yia bai ol i tok em i bagarap nogut tru. ²¹ Ol bai i wokim ol haus na putim ol long hap na ol bai i planim ol gaden wain na kaikai prut bilong em. ²² I no long taim ol bai i wokim haus na ol arapela bai i stap insait, ol i no inap planim na narapela bai kaikai, long wanem taim bilong ol dispela diwai bai i kamap olsem dei bilong ol manmeri bilong mi. Ol lain mi makim bai i stap longpela taim na bai mi blesim han bilong ol. ²³ Ol i no inap pilim pen nating o i no inap amamas long karim pikinini. Long wanem olgeta i pikinini bilong ol lain God Yawe i blesim ol na ol tumbuna pikinini bilong ol wantaim. ²⁴ Pastaim long ol singaut, mi bai bekim na taim ol i toktok yet, mi bai harim kwik. ²⁵ Ol wel dok na sipsip bai i kaikai gras wantaim na ol laion bai kaikai gras olsem ol bulmakau man, tasol das bai i kamap kaikai bilong snek. Ol bai i no inap moa kaikai o bagarapim olgeta samting antap long holi maunten bilong mi." God Yawe i tok.