¹ Yupela stap isi na harim mi, yupela lain long nambis, larim olgeta hap graun i kisim bek strong bilong ol, larim ol kam klostu na toktok, larim mipela kam klostu wantaim na stretim tok. ² Husait kirapim em long san i kamap, singautim em long stretpela pasin bilong em long wok? Em givim ol kantri i go long em na bai olgeta king bai stap aninit long em. Em tanim ol i kam das wantaim bainat bilong em, olsem win i rausim bunara igo. ³ Em i ronim ol wantaim belhat na i go long hap rot lek bilong em i no bin krungutim graun. ⁴ Husait i kamapim ol dispela pasin? Husait i mekim olsem long lain manmeri long stat i kam inap nau? Mi, God Yawe, mi yet stat na mi yet pinis, em mi tasol. ⁵ Ol liklik ples i lukim na ol i pret, pinis bilong graun i surik, long wanem ol i lukim em i kam. ⁶ Olgeta i helpim wantok bilong ol na olgeta toktok long ol yet, "Yumi sanap strong wantaim." ⁷ Olsem na kapenta i givim tok long strongim man bilong kukim gol na man bilong wok wantaim hama i givim strong tok i go long man i save kukim ain, "Em i gutpela." Ol pasim gut wantaim nil olsem bai i no inap pundaun. ⁸ Tasol yu Israel wokman bilong mi, Jacob mi makim yu bilong mi, pikinini bilong Abraham pren bilong mi, ⁹ husait bai mi kisim kam bek gen long pinis bilong dispela graun na husait mi bin singautim em i kam bek long longwe ples na long husait mi tokim ol, "Bai yu kamap wokman bilong mi' Mi makim yu na mi no les long yu. ¹⁰ Yu noken pret, mi stap wantaim yu. Noken bel hevi long wanem mi God bilong yu. Bai mi strongim yu na bai mi helpim yu na bai mi holim yu i go antap long stretpela han bilong mi. ¹¹ Lukim bai ol i sem na pilim nogut, olgeta lain i belhat long yu na birua long yu ol bai i lus olsem samting nating. ¹² Yu bai painim tasol yu i no inap lukim ol lain i birua long yu bai ol olsem samting nating tru. ¹³ Mi God Yawe, God bilong yu, bai mi holim han bilong yu na tokim yu, "Noken pret, Mi bai helpim yu." ¹⁴ Noken pret, Israel yu na ol manmeri bilong yu i olsem liklik snek, Mi bai helpim yupela, mi God Yawe i tok olsem, man bilong kisim bek yupela, God holi bilong Israel. ¹⁵ Lukim, mi bai shapim yu olsem hama i gat tupela het bilong en, yu bai brukim ol mauten na ol bai kamap olsem liklik samting. ¹⁶ Bai yu katim ol na win bai karim ol i go long olgeta hap. Yu bai amamas long God Yawe, yu bai amamas long Holi God bilong Israel. ¹⁷ Ol tarangu lain i painim wara tasol ol i no lukim na ol i no kisim na nek bilong ol drai, mi God Yawe bai harim prea bilong ol na Mi, God bilong Israel bai i no inap lusim tingting long ol. ¹⁸ Bai mi mekim wara bai ron long mauten na wara bai kamap namel long ples daun, mi bai mekim wara ron namel long ples drai na wara bai kamap long drai graun . ¹⁹ Insait long ples nating, Mi bai kamapim diwai sida na diwai akasia na diwai mitle na diwai oliv. Mi bai kamapim diwai sipres long ples nating wantaim diwai pain na diwai sipres. ²⁰ Mi bai mekim olsem bai ol man lukim na luksave olsem em han bilong mi God Yawe i mekim dispela samting long ol na dispela samting God holi bilong Israel i kamapim. ²¹ "Kisim olgeta hevi bilong yupela kam," God Yawe i tok, "mekim gut na tokaut stret long ol giaman god," King bilong Jekob i tok olsem. ²² Larim ol bringim bel hevi bilong ol i kam, kisim i kam na tokaut long mipela wanem samting bai kamap, olsem bai mipela save long ol dispela samting gut. Tokim mipela hariap, tokaut na tokstret, olsem mipela bai tingim na save dispela tok em i kamap trupela. ²³ Toktok long samting bai i kamap bihain, bai mipela save olsem yupela i god na mekim sampela samting gutpela o nogut bai mekim mipela i ken pret na tingting planti. ²⁴ Lukim, yupela giaman god yupela em samting nating, husait makim yupela wantaim giaman tingting. ²⁵ Mi makim wanpela pinis long kam long hap not na bai em i kamap long hap san kamap mi makim em bai singaut long nem bilong mi na em bai krungtim ol biklain olsem graun malumalum na olsem man bilong wokim graun sospen. ²⁶ Husait bin tokaut long dispela long stat, olsem yumi bai ken save? Past taim long yumi bai tok, "Em tok tru?" Tru tumas i nogat man i bin tingim na nogat man bin harim wanpela samting. ²⁷ Pastaim mi bin toktok long Saion, "Lukim ol i kam," mi salim ol i kam long Jerusalem. ²⁸ Taim mi lukluk mi no lukim wanpela, nogat wanpela husait bai givim gutpela tingting, long taim mi askim nogat bekim long wanpela tok. ²⁹ Lukim, olgeta yet i samting nating na tingting bilong ol tu i giaman olsem win nating.