¹ Lukim, God Yawe i laik pinisim graun na givim hevi na bagarapim olgeta samting long olgeta hap. ² Dispela kain taim bai i kamap olsem; long ol manmeri, long ol hetman; long ol wokboi, long ol bosman, long ol wokmeri, long ol bosmeri, long ol lain bilong baim ol samting, long ol lain bilong salim samting, long ol man yu i gat dinau long ol , long ol man i gat dinau long yu, long ol manmeri i gat laik long kisim na ol man i laik givim. ³ God Yawe i tok em bai rausim na bagarapim olgeta samting long graun. ⁴ Dispela graun bai drai, olgeta hap graun na ol samting bai lus nating na ol man i gat nem tu bai lus. ⁵ Olgeta hap bilong dispela graun bai bagarap wantaim sin, long wanem ol manmeri i bin brukim kontrak na ol lo. ⁶ Olsem tasol sin i karamapim olgeta hap bilong graun. Dispela hevi i olsem paia i kukim olgeta samting na ol liklik hap manmeri tasol i stap. ⁷ Ol nupela wain i drai na i nogat strong moa, ol lain bilong amamas long wain, bel bilong ol i pen. ⁸ Yumi i no moa harim gutpela musik bilong tambrin na ol i amamas; ol lain bilong amamas i lus pinis. ⁹ Ol i no moa amamas long dring wain na singsing, bia ol i dring tu i pait long maus bilong ol. ¹⁰ Olgeta samting insait long ol biktaun i bagarap na olgeta dua bilong haus i pas na i nogat ol man na ol samting i stap. ¹¹ Amamas bilong graun i pinis, long wanem ol i dringim wain na ol manmeri stap nabaut long rot na krai. ¹² Bagarap i kamap insait long biktaun na bikpela dua bilong banis i pundaun na nogat man i stap insait long biktaun. ¹³ Wainkain pasin bai kamap long olgeta hap graun, olsem ol i kisim pikinini oliv na ol i paitim na rausim olgeta wel bilong en na wankain olsem taim bilong kisim prut bilong wain. ¹⁴ Bai ol i singaut na liptimapim em i go antap na tokaut long nem bilong em, God Yawe, wantaim amamas long olgeta hap long solwara. ¹⁵ Olsem tasol, long ples bilong san i kamap givim biknem i go long God Yawe, ol liklik ples arere long solwara bai litimapim nem bilong God Yawe, God bilong Israel i go antap tru. ¹⁶ Long longwe hap bilong graun, mipela harim ol i singsing olsem, "Litimapim Bikpela!" Tasol mi tok olsem , "Mi mekim nating pinis, mi mekim nating pinis, olsem na mi sori. Ol man bilong giaman bai mekim pasin nogut na giaman yet. ¹⁷ Bikpela pret na hevi i stap insait long ol ples i gat hul na long olgeta hap bilong dispela graun. ¹⁸ Husait man i pret na ranawe long hevi bai pundaun i go insait long hul na husait i kamaut long namel long hul bai pundaun i go insait long umben. Dua bilong heven bai op na graun bai guria na ol samting i stap antap long en bai pundaun. ¹⁹ Dispela graun bai bruk na bagarap olgeta, graun bai i op na bikpela guria bai kamap. ²⁰ Graun bai guria i go kam olsem spak man i no wokabaut stret na wainkain pasin bai kamap long ol haus. Olsem tasol, sin bai i bikpela na olgeta samting bai pundaun na bai i no inap kirap gen. ²¹ Long dispela dei, God Yawe bai bagarapim ami bilong heven na ol king bilong olgeta hap bilong graun. ²² Bai Bikpela i bungim olgeta na kalabusim ol long bikpela hul na pasim ol insait olsem ol kalabus manmeri na bihain long sampela taim Bikpela bai i mekim save long ol. ²³ Olsem tasol, mun na san bai kamap samting nating long wanem, God Yawe bai kam wantaim bikpela lait bilong em na stap antap long maunten Saion na long Jerusalem na olgeta lida man bilong em bai stap insait long bikpela lait bilong em.