¹ Dispela tok i go long taun Taia long ol samting bai i kamap. Ol sip bilong Tasis i ron long solwara, yupela i no gat ples na bris bai sip i ken sua long en, olgeta i bagarap. Olsem long Saiprus ol i bin kamapim ples klia long ol. ² Stap isi na harim, yupela ol lain i stap arere long solwara, ol bisnis man bilong Sidon, ol i ron i kam long solwara long givim planti kago long yupela . ³ Long bikpela solwara ol sip i bringim ol wit bilong Sihor, long ples Nail ol i kamapim ol kaikai na i kamap olsem ples bilong mekim moni. ⁴ Sidon, yu sem, long wanem solwara i tok, "Mi no hatwok na karim ol man pikinini na mi bringim ol i kam na tu ol yangpela pikinini meri." ⁵ Taim Isip i kisim dispela tok save, ol manmeri bai bel hevi na i no inap amamas long Taia. ⁶ Yupela ol manmeri i stap arere long nambis, sori long yupela yet na go hapsait long Tasis. ⁷ Ating dispela i kamap long yu, taun bilong amamas, yu stap long bipo taim na i bin go stap longwe long ples bilong arapela lain? ⁸ Husait i pasim tok long bringim hevi i kam long Taia, man bilong givim gutpela samting, binisman bilong ol i olsem man pikinini bilong king na wokman bilong em i olsem man i gat biknem long graun. ⁹ Bikpela God Yawe i gat olgeta strong i save na dispela bagarap i kam long bringim sem na daunim biknem bilong dispela plesTaia na daunim biknem bilong em long graun. ¹⁰ Brukim graun bilong yu olsem man i brukim graun long Nail, pikinini meri bilong Tasis. I nogat moa ples bilong salim ol kaikai long Taia. ¹¹ God Yawe i putim han i go antap long solwara na em i seksekim olgeta strong i stap antap na aninit long graun, em i tingting long bagarapim ol strong hap. ¹² Em i tok,yu bai i no inap amamas gen, yangpela pikinini meri bilong Sidon i kirap na i go hapsait long Saiprus, orait long hap yu bai malolo gut." ¹³ Lukim graun bilong ol Kaldia. Nogat manmeri i stap moa, ol Asiria i bagarapim ol na kamap olsem ples bilong ol wel abus.Ol i wokim tawa bilong birua na bagarapim ples bilong ol king na i kamap olsem pipia. ¹⁴ Krai, yupela ol sip bilong Tasis, ples yupela i save stap long en,olgeta i bagarap. ¹⁵ Long dispela taim olgeta bai lusim tingting long Taia inap 70-yia, olsem long taim bilong king. Bihain long 70-yia em bai kamap olsem wanpela song ol i singim long pamuk meri bilong Taia. ¹⁶ Pamuk meri i kisim gita na go insait long taun, paitim gut musik na singim planti song na bai ol i no inap lusim tingting long yu. ¹⁷ Em bai i kamap bihain long 70-yia, God Yawe bai helpim Taia na em bai stat long mekim mani long wok bilong pasin pamuk, long dispela pasin olgeta manmeri long graun bai kisim helpim. ¹⁸ Na olgeta win moni ol bai putim sait bilong God Yawe. Ol bai i no inap putim long haus moni, tasol ol bai givim i go long ol manmeri i stap long ai bilong God Yawe. Ol bai kisim dispela mani na baim ol gutpela kaikai na ol gutpela klos.