¹ Jeroboam pikinini man bilong Nebat i kamap king na stap 18 yia pinis na Abisa i kamap king bilong ol Juda. ² Abisa i bosim Jerusalem long 3-pela yia. Nem bilong mama bilong em Maka. Em i pikinini meri bilong Abisalom. ³ Abisa i bihainim tru pasin bilong papa bilong em long mekim pasin nogut taim em i kamap king. Bel na tingting bilong em i no pas wantaim God Yawe, God bilong em olsem Devit tumbuna bilong em. ⁴ Maski Abisa i mekim olsem tasol, God Yawe i promis pinis long Devit, em i givim wanpela man long Abisa bai i kisim ples bilong em na lukautim Jerusalem. ⁵ God i mekim olsem, long wanem Devit i bin mekim gutpela pasin long ai bilong God Yawe na harim tok bilong em. Em i no bin sakim tok bilong God. Tasol wanpela pasin nogut em i bin mekim long Uria man biIo hit. ⁶ Long dispela taim i bin i gat pait namel long Reoboam na Jeroboam long taim Abisa i stap king. ⁷ Ol narapela samting Abisa i mekim ol i bin raitim i go insait long stori bilong buk bilong ol king bilong Juda. Pait i bin kamap namel long Abisa na Jeroboam. ⁸ Abisa i dai na ol i planim em long biktaun bilong Devit. Asa pikinini man bilong Abisa i kisim ples bilong em na kamap king. ⁹ Taim Jeroboam i stap king bilong Jerusalem inap 20 yia, Asa i kamap king bilong ol Juda. ¹⁰ Em i bosim Jerusalem 41 yia. Nem bilong tumbuna mama bilong em Maka, pikinini meri bilong Abisalom. ¹¹ Asa i mekim gutpela pasin long ai bilong God Yawe wankain tru olsem tumbuna papa bilong em Devit i bin mekim. ¹² Em i rausim ol giaman lotu long dispela ples na rausim ol giaman god ol tumbuna bilong em i mekim. ¹³ Na tu em i rausim tumbuna mama bilong em Maka long kwin sia, long wanem em i kisim giaman meri god ol i mekim long en na kamapim wanpela piksa nogut. Asa i bagarapim dispela giaman meri god long Kidron ples daun. ¹⁴ Tasol Asa i no bagarapim ples bilong lotu na bilong mekim ofa long God Yawe. Em olsem tasol bel na tingting bilong em i pas gut tru long God Yawe long taim bilong em. ¹⁵ Em i kisim olgeta samting ol i bin mekim long silva, gol na ol sampela samting i dia tumas bilong em wantaim papa bilong em, tupela i bin givim pinis long God Yawe i go insait long tempel bilong God Yawe. ¹⁶ Long dispela taim, pait i bin stap olsem namel long Asa na Basa king bilong Israel . ¹⁷ Basa king bilong Israel i pait wantaim ol Juda narapela kain tru na winim biktaun Rama. Na em i mekim banis long raunim dispela biktaun long wanpela man i no inap long go aut na long kam insait long graun bilong Juda king Asa i bosim. ¹⁸ Orait Asa i kisim olgeta gol na silva i stap insait long tempel bilong God Yawe na long haus bilong king. Em i putim ol dispela samting long ol wokman bilong em na salim ol i go long Damaskas, long givim Ben Adat pikinini man bilong Tabrimon, papa bilong em Esion. Em king bilong Aram. Em i tokim ol long tokim Ben Adat olsem, ¹⁹ "Mitupela bai pasim tok namel long mitupela wankain olsem papa bilong mi na papa bilong yu i bin mekim. Yu mas rausim wanem tok yu pasim wantaim Basa king bilong Israel na em bai lusim graun bilong mi na i go aut. Harim, long dispela as mi givim silva na gol olsem presen i go long yu." ²⁰ Ben Adat i harim dispela tok bilong King Asa na salim ol kepten bilong ol ami i go na pait wantaim ol biktaun bilong Israel na winim biktaun Ijon, Dan, Abel-bet-maka na olgeta hap long Kineret wantaim olgeta graun bilong Naptali. ²¹ Taim Basa i harim dispela stori, em i stopim wok bilong mekim banis long Rama na i go bek long ples Tirsa. ²² King Asa i salim bikpela toksave i go long olgeta man long Juda, olsem nogat wanpela man i stap nating. Olgeta man bai i go na kamautim ol ston na banis diwai long Rama King Basa i wokim banis na sanapim long en. Bihain King Asa i mekim banis strong long Geba biktaun bilong Benjamin na Mispa. ²³ Ol sampela samting King Asa i mekim, olgeta strong bilong ami bilong em, olgeta wok em i mekim, na olgeta biktaun em i kamapim, ol i no raitim insait long stori buk bilong ol King bilong Juda. Asa i go lapun tru na sik nogut i bin kamap long lek bilong em. ²⁴ Bihain Asa i dai na ol i planim em long matmat bilong papa bilong em Devit. Jeosafat pikinini bilong em i kisim ples bilong em. ²⁵ Taim Asa i kamap king bilong Juda na lukautim Israel tupela yia, Nadap pikinini man bilong Jeroboam i stat long lukautim Israel. ²⁶ Nadap i mekim pasin nogut long ai bilong God Yawe na bihainim tru pasin bilong papa bilong em na ol narapela sin papa bilong em i no bin mekim tu na i pulim ol Israel long mekim sin. ²⁷ Basa em pikinini man bilong Aija long famili bilong Isaka i tingting long kilim Nadap. Taim Nadap na ol Israel i putim was raunim biktaun Gibeton bilong ol Filistia, Basa i kilim Nadap. ²⁸ Taim Asa i stap king bilong Juda tripela yia, Basa i kilim Nadap na kisim ples bilong em long kamap king. ²⁹ Taim Basa i kamap king, em i kilim olgeta famili bilong Jeroboam na i nogat pikinini lain bilong em ol i lusim. Long dispela rot tasol em i bagarapim ol lain bilong King Jeroboam. Dispela i bihainim tru tok bilong Aija, wokman bilong God Yawe, em man long Silo. ³⁰ Dispela pasin nogut Jeroboam i mekim na pulim ol manmeri Israel long mekim pasin nogut. Long wanem dispela pasin i bin mekim God Yawe bilong Israel i belhat. ³¹ Long sampela samting Nadap i mekim, na ol pasin em i bin mekim, ol i raitim tu insait long stori buk bilong ol king bilong Israel a? ³² Dispela taim i gat bikpela pait i bin stap olsem long namel bilong Asa na Basa king bilong Israel. ³³ Taim Asa i kamap king bilong Juda na i stap tripela yia, Basa pikinini man bilong Aija i stat long kamap king bilong lsrael long biktaun Tilsa na lukautim ol inap 24 yia. ³⁴ Aija i bin mekim pasin nogut long ai bilong God Yawe na bihainim pasin bilong Jeroboam na em i pulim ol Israel long mekim pasin nogut. .