¹ Tok bilong God Yawe i kam long Jehu pikinini man bilong Hanani wantaim Basa na tok olsem, ² Maski mi kirapim yupela i kam aut long das na mekim yupela i kamap lida bilong ol manmeri bilong mi Israel, yupela bin wokabaut long rot bilong Jeroboam na mekim ol manmeri bilong mi Israel i pundaun long sin, olsem na mi belhat long sin bilong yupela. ³ Lukim, mi bai rausim olgeta bilong yupela i go long Basa wantaim famili na mi bai mekim famili bilong yupela olsem famili bilong Jeroboam pikinini bilong Nebat. ⁴ Ol dok bai i kaikai husait i stap long sait bilong Basa husait i dai insait long biktaun na ol pisin bilong skai bai i kaikaim husait i dai long ples graun." ⁵ Tasol sampela pasin bilong Basa, wanem em i bin mekim long strong bilong em yet, ol i no bin raitim insait long buk bilong ol samting i save kamap long ol king bilong Israel? ⁶ Basa i bin slip wantaim tumbuna bilong em na ol i bin planim em insait long Tisa. Na Ela pikinini man bilong em i kamap king na kisim ples bilong em. ⁷ Na profet Jehu pikinini man bilong Hanani, tok bilong God Yawe i kam long bagarapim Basa na famili bilong em, long wanem 2-pela wantaim i bin mekim pasin nogut long ai bilong God Yawe. Olsem na i mekim em i belhat long wok em i mekim, olsem famili bilong Jeroboam na tu long wanem, em i bin kilim olgeta famili bilong Jeroboam. ⁸ Insait long 26-pela yia bilong king Asa bilong Juda, Ela pikinini man bilong Basa i stat long lukautim ol Israel long ples Tisa, em i stap olsem 2-pela yia na lukautim ol. ⁹ Wokman bilong em Simri, kepten bilong sampela hap ol karis bilong em, i tingting long pait wantaim em. Long dispela taim Ela i bin i stap long Tisa na em yet i dring insait long haus bilong Asa, em husait i bin was long haus bilong Tisa. ¹⁰ Jimri i bin go insait na holim em na kilim em, long 27-pela yia bilong Asa king bilong Juda em i bin kamap king na kisim ples bilong em. ¹¹ Taim Simri i stat long lukautim ol na em sindaun long sia king, em i kilim olgeta famili bilong Basa. Em i no bin lusim wanpela wantok o wanlain bilong Basa i stap laip. ¹² Olsem na Simri i bagarapim olgeta famili bilong Basa long inapim tok bilong Yawe God, dispela tok i bin kam long maus bilong profet Jehu long bagarapim Basa, ¹³ Olgeta sin bilong Basa, ol sin bilong Ela pikinini man bilong em i bin mekim na wanem sin ol i bin mekim long ol Israel na ol i givim basait long God Yawe, em i God bilong Israel, olsem na em i belhat long ol piksa bilong giaman god. ¹⁴ Tasol sampela pasin bilong Ela, olgeta samting em i bin mekim, em ol i no bin raitim insait long buk bilong ol samting i save kamap long ol king bilong Israel? ¹⁵ Insait long 27-pela yia bilong king Asa bilong Juda, Jimri i lukautim ol long 7-pela dei tasol long Tisa. Olsem na ol ami kem long Gibeton, em graun bilong ol Filistia. ¹⁶ Ol ami i kem bilong dispela ples ol i harim tok olsem, "Simri i kilim king dai pinis." Na long dispela dei long kem, olgeta Israel i wanbel na ol i makim Omri long kamap komada bilong ami na stap king namel long Israel. ¹⁷ Omri i go antap long Gibeton na olgeta Israel i stap wantaim em ol i raunim Tisa. ¹⁸ Olsem na taim Simri i lukim dispela biktaun ol i bin kisim, em i go insait long ples bilong king na bagarapim gutpela ples bilong king na putim paia long dispela haus bilong em na long dispela rot em i dai insait long paia. ¹⁹ Dispela em sin bilong em, olsem em i bin mekim pasin nogut long ai bilong God Yawe, em i wokabaut long rot bilong Jeroboam. Na dispela sin em i mekim i soim ol Israel long mekim sin. ²⁰ Tasol sampela pasin bilong Simri na dispela pasin nogut em i mekim raun, ol i no bin raitim insait long buk bilong ol samting i save kamap long ol king bilong Israel? ²¹ Olsem na ol manmeri bilong Israel i skelim ol yet long 2-pela hap. Wanpela hap bilong ol manmeri i bihainim Tibni pikinini man bilong Ginat, long mekim em i kamap king na sampela hap manmeri i bihainim Omri. ²² Tasol ol manmeri husait i bihainim Omri i strongpela moa na winim manmeri husait i bihainim Tibni pikinini man bilong Ginat. Olsem na Tibni i dai na Omri i kamap king. ²³ Omri i stat long lukautim ol Israel insait long 31-pela yia bilong king Asa long Juda. Na em i bin lukautim ol 12-pela yia. Na tu em i lukautim ol Tisa long 6-pela yia. ²⁴ Em i baim maunten bilong Sameria long Sema long tupela presen silva. Em i mekim biktaun antap long dispela maunten na kolim nem bilong biktaun Sameria, bihain long nem Sema, em bipo papa graun bilong maunten. ²⁵ Omri i mekim pasin nogut long ai bilong God Yawe na mekim moa pasin i no stret i winim ol lain husait i bin i stap pas long em. ²⁶ Em i wokabaut long olgeta rot bilong Jeroboam pikinini man bilong Nebat na long dispela sin bilong em i soim ol Israel long mekim sin na givim baksait long God Yawe, em God bilong Israel, olsem na em i belhat long piksa nating bilong god giaman. ²⁷ Tasol sampela pasin bilong Omri em wanem pasin i bin mekim na ol strong em i bin soim, em ol i no bin raitim i go insait long buk bilong ol samting i save kamap long ol king bilong Israel? ²⁸ Olsem na Omri i bin slip wantaim tumbuna bilong em na ol i bin planim em long Sameria na Ahap pikinini man bilong em i kamap king na kisim ples bilong em. ²⁹ Insait long 38-pela yia bilong king Asa long Juda, Ahap pikinini man bilong Omri i stat long lukautim ol Israel. Ahap pikinini man bilong Omri i lukautim ol Israel long Sameria insait long 22-pela yia. ³⁰ Ahap pikinini bilong Omri i mekim pasin nogut long ai bilong God Yawe moa na winim olgeta ol lain husait i bin stap pas long em. ³¹ Em i olsem liklik samting tasol long Ahap long wokabaut insait long sin bilong Jeroboam pikinini man bilong Nebat, olsem na em i kisim olsem meri bilong em Jesebel, em i pikinini meri bilong Etbal, king bilong Sidonia, em i bin i go na lotuim Bal na brukim skru long em. ³² Em i mekim alta bilong Bal insait long haus bilong Bal, wanem em i bin mekim long Sameria. ³³ Ahap i mekim piksa bilong Asara. Ahap i bin mekim moa pasin nogut long God Yawe, em i God bilong lsrael, em i belhat long olgeta ol king bilong Israel husait i bin i stap pas long em bipo. ³⁴ Long taim Ahap i lukautim ol, Hil bilong Betel i wokim gen Jeriko. Hil i stretim as bilong biktaun long pei bilong laip bilong Abiram, em i namba wan pikinini man bilong em na Segub em i yangpela pikinini man bilong em i lusim laip, taim em i wok long mekim dua bilong biktaun. Ol i sanap long tok bilong God Yawe, wanem tok i bin kam long maus bilong Josua pikinini man bilong Nun.