¹ Dispela em i nem bilong ol lain famili bilong Israel wantaim ol hetman, em ol komanda bilong planti tausen na planti handret, tu ol ami opisa husat i mekim wok bilong king long kainkain rot. Wanwan man bilong pait ol i makim i mekim wok long wanwan mun long wanpela yia. Wanwan i gat 24,000 man. ² Long namba wan mun ol i makim Jasobeam pikinini man bilong Sabdiel. Insait long ami bilong em i gat 24,000 man. ³ Em i stap namel long ol tumbuna bilong Peres na i bosim olgeta ol ami opisa insait long namba wan mun. ⁴ Long namba tu mun ol i makim Dodai, em i blut na wanlain bilong Ahoa. Miklot i kamap namba tu bilong em. Insait long ami bilong em i gat 24,000 man. ⁵ Komanda i bosim ami long namba tri mun em Benaia, pikinini man bilong Jehoiada, em pris na hetman. Insait long ami bilong em i gat 24,000 man. ⁶ Dispela Benaia em husat i bin i stap hetman bilong 30-pela ami na i bosim 30-pela man. Amisabat pikinini man bilong em i stap long ami bilong em. ⁷ Komanda i bosim ol ami long namba 4 mun em Asahel brata bilong Joap. Sebadia pikinini man bilong em i kamap komanda bihain long em. Insait long ami bilong em i gat 24,000 man. ⁸ Komanda i bosim ami long namba 5 mun em Samut, em i tumbuna bilong ol lain Isra. Insait long ami bilong em i gat 24,000 man. ⁹ Komanda i bosim ami long namba 6 mun em Ira pikinini man bilong Ikes, em i bilong ples Tekoa. Insait long ami bilong em i gat 24,000 man. ¹⁰ Komanda i bosim ami long namba 7 mun em Heles bilong Pelon, em i bilong ol lain Ifraim. Insait long ami bilong em i gat 24,000-man. ¹¹ Komanda i bosim ami long namba 8 mun em Sibekai bilong Hushat, em i blut na wanlain bilong Sera. Insait long ami bilong em i gat 24,000 man. ¹² Komanda i bosim ami long namba 9 mun em Abiesa man bilong Anatot, long lain bilong Benjamin. Insait long ami bilong em i gat 24,000 man. ¹³ Komanda i bosim ami long namba 10 mun em Maharai bilong biktaun bilong Netopa, em i blut na wanlain bilong Sera. Insait long ami bilong em i gat 24,000 man. ¹⁴ Komanda i bosim ami long namba 11 mun em Benaia bilong biktaun Piraton, em i bilong lain Efraim. Insait long ami bilong em i gat 24,000 man. ¹⁵ Komanda i bosim ami long namba 12 mun em Heldai bilong biktaun Netopa, em i blut na wanlain bilong Otniel. Insait long ami bilong em i gat 24,000 man. ¹⁶ Dispela em ol hetman bilong wanwan lain bilong Israel. Long ol lain bilong Ruben, Eliesa pikinini man bilong Sikri i stap hetman. Long lain Simion, Sefatia pikinini man bilong Maka i stap hetman. ¹⁷ Long lain bilong ol Livai, Hashabia pikinini man bilong Kemuel i stap hetman na Sadok i go pas long ol tumbuna lain bilong Aron. ¹⁸ Long lain bilong Juda, Elihu, wanpela brata bilong Devit, i stap hetman. Long lain bilong Isakar, Omri pikinini man bilong Maikel i stap hetman. ¹⁹ Long lain bilong Sebulun, Ismaia pikinini man bilong Obadia i stap hetman. Long lain bilong Naptali, Jerimot pikinini man bilong Asriel i stap hetman. ²⁰ Long lain bilong Efraim, Hosea pikinini man bilong Asasia i stap hetman. Long ol hap lain bilong Manase, Joel pikinini man bilong Pedaia i stap hetman. ²¹ Long ol hap lain bilong Manase long Gileat, Ido pikinini man bilong Sekaraia i stap hetman. Long ol lain bilong Benjamin, Jasiel pikinini man bilong Abner i stap hetman. ²² Long lain bilong Dan, Asarel pikinini man bilong Jeroham i tap hetman. Dispela em ol hetman husat i makim wanwan lain bilong Israel. ²³ Devit i no kauntim ol lain i stap 20-yia na i kam daun, long wanem, God Yawe i promis long mekim ol Israel i kamap planti olsem ol sta bilong heven. ²⁴ Joap pikinini man bilong Seruia i stat long kauntim ol man, tasol em i no pinisim. Belhat i pundaun antap long ol Israel long dispela. Tasol dispela namba ol i no bin raitim i go daun long buk bilong king Devit. ²⁵ Asmavet pikinini man bilong Adiel i stap bosim haus mani bilong king. Jonatan pikinini man bilong Usia, i stap was long ol bakstua insait long ol hap graun, long ol biktaun na insait long ol liklik ples na long ol strongpela was tauwa. ²⁶ Esri pikinini man bilong Kelup i stap was long ol lain i save planim ol kaikai, em ol lain i save digim graun na redim bilong planim. ²⁷ Simei bilong Ramat i bosim ol gaden wain na Sapdi bilong Sipmi i stap was long ol frut wain na long ol ples bilong putim ol wain. ²⁸ Bal-Hanan bilong Geda i bosim ol diwai oliv na ol diwai sikamo i stap long ples daun na Joas i bosim ol bikpela haus ol i save putim ol oliv wel long en. ²⁹ Man i bosim ol sipsip, bulmakau na meme insait long gutpela gras long Saron em Sitrai bilong Saron na ol sipsip, bulmakau na meme i stap long ol ples daun, Safat pikinini man bilong Adlai i bosim. ³⁰ Man husat i bosim ol kamel em i Obil bilong Ismael na man i bosim ol meri donki em Jedeia bilong Meronot. Jasis bilong Agrit i bosim na i lukautim banis sipsip. ³¹ Jasis bilong Hagrit i bosim ol lain sipsip. Dispela em ol hetman husat i was long ol samting bilong king Devit. ³² Jonatan, liklik papa bilong King Devit, i stap man bilong givim gutpela tingting, em i wanpela saveman na i wok olsem ofisa. Jehiel pikinini man bilong Hakmoni i lukautim ol pikinini man bilong king. ³³ Ahitofel em man bilong givim gutpela tingting long king na Husai bilong ples Akit em i stap namba wan ofisa bilong givim tingting long king. ³⁴ Jehoaida pikinini man bilong Benaia na Abiata i kisim ples bilong Aitofel. Joap i stap komanda bilong ami bilong king.