¹ Em ol lain bilong was long geit. Long Koriait, Mesalemia pikinini bilong Kore, tumbuna bilong Asaf. ² Meselemia i gat ol pikinini, Sekaraia em namba 1, Jediael em namba 2, Sebadia em namba 3, Jatniel em namba 4, ³ Elam em namba 5, Jehoanan em namba 6, Elioenai em namba 7. ⁴ Obet Idom i gat ol pikinini: Shemaia em namba wan, Jehosabat em namba tu, Joa em namba tri, Sakar em namba 4 na Nataniel em namba 5, ⁵ Amiel em namba 6, Isakar em namba 7, Peuletai em namba 8 na God i blesim Obet Idom. ⁶ Long Semaia pikinini bilong em i kamap het bilong ol famili; em ol gutpela man long mekim planti wok. ⁷ Na ol pikinini bilong Semaia em Otni, Refael, Obet na Elsabat. Ol blut famili bilong en Eliu na Semakia ol tu i gutpela man long mekim planti wok. ⁸ Ol dispela em ol lain tumbuna bilong Obet Idom. Ol yet wantaim ol pikinini bilong ol na blut famili bilong ol inap long mekim ol wok long haus lotu. Em ol 62 lain i stap klostu long Obet Idom. ⁹ Mesalemia i gat ol pikinini na ol blut famili, 18-pela ol strongpela man bilong wok. ¹⁰ Hosa em tumbuna bilong Merari, em i gat ol pikinini: Simri i stap lida ( maski em i no namba wan pikinini, tasol papa i mekim em i kamap lida ), ¹¹ Hikia em namba tu, Tabalia em namba tri, Sekaraia em namba 4. Olgeta ol pikinini bilong Hosa na ol man bilong famili bilong en, em ol 13-pela namba. ¹² Dispela grup bilong was long geit, ol i bung wantaim ol lida na ol blut famili bilong ol long mekim wok insait long haus bilong God Yawe. ¹³ Ol i tromoi planti tru ol yangpela na ol lapun aut insait long famili, ol husat bai i stap long olgeta geit. ¹⁴ Taim planti ol i salim i go long geit i stap long hap san kamap, em i pundaun antap long Shelemia. Orait ol i salim planti moa long Sekaraia pikinini man bilong em, man bilong givim gutpela tingting na planti i kam aut long not geit. ¹⁵ Ol i makim Obet Idom long saut geit na ol i makim pikinini bilong em long haus bilong putim ol samting. ¹⁶ Supim na Hosa ol i makim long geit i stap long hap san i go daun wantaim geit bilong Saleket, long antap rot. Wanwan famili i stat lukautim. ¹⁷ Long hap san kamap i gat 6-pela Livai, long not i gat 4-pela long wanpela dei, long saut i gat 4-pela long wanpela dei na antap long haus bilong putim samting i gat 4-pela. ¹⁸ Klostu long tawa i go long hap san i go daun i gat 4 -pela taun i stap klostu long rot na tupela i stap klostu long tawa. ¹⁹ Dispela em ol ami bilong was long geit. Ol i pulap wantaim ol tumbuna bilong Kora na Merari. ²⁰ Namel long ol Livai, Aija i lukautim mani bilong haus bilong God na olgeta mani samting we em i bilong God Yawe. ²¹ Ol tumbuna bilong Ladan i kam long Geson long em tasol na nau ol lida bilong famili bilong Ladan long lain Geson em ol Jehieli, ²² ol pikinini bilong Jehieli, Setam na Joel brata bilong en. Ol i lukautim haus bilong putim samting bilong God Yawe. ²³ Ol lain blut famili bilong Amram na ol lain blut famili bilong Ishar, ol lain bilong Hebron na ol lain bilong Usiel: ²⁴ Subael pikinini man bilong Gesom, pikinini man bilong Moses, i kamap ol man bilong lukautim haus bilong putim ol samting. ²⁵ Ol blut famili bilong em long ol lain famili bilong Elieser em papa bilong Reabia, Rehabia em i papa bilong Jeshaia, Jeshaia em i papa bilong Joram, Joram em i papa bilong Sikri na Sikri em i papa bilong Selomit. ²⁶ Selomit wantaim ol wantok bilong en i lukautim olgeta samting bilong God Yawe long haus bilong putim ol samting, olsem King Devit, ol hetman bilong famili, ol ofisa i save lukautim tausen na handret ol ofisa bilong ol soldia i skelim ²⁷ Ol i skelim ol gutpela samting ol i winim long pait na hap ol i putim long haus bilong God Yawe. ²⁸ Na ol tu i lukautim dispela ol samting we ol i bin putim long sait bilong God Yawe tru long profet Samuel, Sol pikinini bilong Kis, Abna pikinini bilong Ner na Joab pikinini bilong Seruia. Olgeta samting ol i skelim long God Yawe em i stap aninit long lukaut bilong Selomit na ol blut famili bilong em. ²⁹ Long tumbuna bilong Isar, Kenania na ol pikinini man bilong en i lukautim ol hevi bilong ol ami bilong Israel. Em ol i stap ofisa na jas bilong ol. ³⁰ Long tumbuna bilong Hebron, Hasabia na ol brata bilong em, 1,700 em ol strongpela man bilong lukautim wok bilong God Yawe na wok bilong king. Ol i stap long Jodan long hap san i save go daun. ³¹ Long ol lain tumbuna bilong Hebron, Jeria i stap hetman bilong ol, ol i kauntim insait long famili. Insait long 40-pela yia bilong Devit i stap king, ol i painim aut olsem namel long ol, i gatim ol gutpela man i stap insait long Jaser bilong Gileat. ³² Jeria i gat 2,700-pela ol blut famili, em ol stongpela lain ol famili lida. Devit i kisim ol long lain bilong Ruben, Gat na sampela bilong lain Manase, long olgeta wok bilong God Yawe na wok bilong king wantaim.