¹ Kotini avu ava marafano, nayeyare senu aiyigarauremi beyagagi em. ² Aiyiranta nampa bago, Jisasi senu aiyigara uremi kekayagai beyaumi amidemi, Koti wapa awogu muku dam buga. ³ Yigemi ,monko anta yanti bu intago , o savi anta ba buyogo , bu atekam anta yunampa ,yigeyantana intewam anta buyogo. Minugam baya ena inim waita amonarem , savi baya Kotipim amakukum ewam watanasiyanti sitem. ⁴ Savi baya nako eno ara mante bu itarago ,o savi oenaem bayayu busego ,o saviugam kasi bayayu busego .Minugam antayu buatekene . Minurega Kotinantana yigemi sususiakago . ⁵ Mini amorago , monko anta inanim waita, nampa savi anta ewam nampa beyarantana intewam waita,minimi muna kotika amakukum evemi ,minugam watanasi Kotini magufa buvitem. ⁶ E'ana mana bayi beya nako muna buyimego, nayeyara, mini antaga Kotimi ara katem, ami romugewam waitayuganti . ⁷ Minugamifo mi'nugam waita yu nampa bunovega, buwago. ⁸ Wafai yigemi ayufupim bage,eonam ,afo magemi anona manoni oka,i banam .Minugafo yigemi oka bam watanasi nowaniogo . ⁹ Omanomi awogu anene fawaritem . Watanasi yesuni oka wam awogu anta nampa fugan waya fawariteye . ¹⁰ Minugafo yigemi afakago naye a,ne,ne anonamano ara avoguevene . ¹¹ Yigemi iwa ayufunanta fim wam akunapa ipatago beni yunam iwam a,nenefim . Awogu item yenti savi anta simafawarogo. ¹² Mamini aupa uwaram savi antayu faka sinam agayeitem. ¹³ Mi'nugamifo, maside anene omano mantem faka dukam mini anene yu faka ugam bemino .. ¹⁴ Minugami Omano ma'dem anene mante fakademi, omi yimevemi.Minugami baya wane ,dugewana waita itawono .Itawono matipike minina Yesuni omano eka kano . ¹⁵ Eyi wantim rafima awogu ogo, savi intim dukam waita ga'na iwago, awogu intin dukam waita ka'na wago. ¹⁶ Yigeyi kana rafima sokeogo , aga'em yigenti kana afi,item .Nayeyare mamini kanaga savi antamano itukaraem . ¹⁷ Mi'nugamifo o'em waita anasi iyogo, Kotini intikaga bafano. ¹⁸ Amuna waini nomi nare sipaki (spak) buyogo, nayeyare yigenti wanti mante savi item. E,ana Kotini ayo aga yegepim ituga. ¹⁹ Awogu amerago nampa awogu igu eno nampa rega ,awogu ara napa Anona avi,i yaniogo . ²⁰ Anona Jisasi avipim sususakeya , masiden anene yanti Koti avi yaniofa . ²¹ Eno amenapa bega, mini antamano anoavi Jisasi amino. ²² Anasi'yu yigemi yiwafu yimenapa bago, mi,neote Koti amenapa bane . ²³ Nayeyare wata mano anasini a,noni ugem, minugami Jisasiwa mono' kevu yinoni ugami,monokevumano Jisasini auyi ugami Jisasimi yividuka . ²⁴ Monokevumano Jisasi amenapa wani ure, yige anas, yigewa,yigem yiwafu amenapa wago, masidem anene fim. ²⁵ Watayu eyana ayigara ure ayeno, Jisasimi monokevu ayigara urem, beyaumi amiduka. ²⁶ Jisasi beyaumi mono'kevu amidem, mantem ate dem nonako sese urem be ya nampa. ²⁷ Mi'nurami monokevu be augaka avogu urena ba, mi'nemisefo kaiyo (das) nampa savi anene iwana atekena bano. ²⁸ Mi'nure, watayu eyau ayena yi'ure, yigen yina'ma ayego, wata beyana ayigara urem beyau ayevem. ²⁹ Mana wayi ba beyau yanti abesara ibem. Beyau rafi'ma awogu urem, yunam nama soke urem, awa'wa evem, minugami Jisasimi monokevu ba i rafima soke urem awa'wa evem. ³⁰ Nayeyare, masidem seyuya Jisasini au ugeyare. ³¹ Mi'nugami, watamano beyanafom yera aremi, anasi mano wa beyanafo yera aren, urenta manafini uventa yeganti mana auyi item. ³² Mini baya mi anom baya, aupa bam baya, mifo mage suna waya Jisasi beni monokevu yanti sevene . ³³ Mi'nugami, yige mana'mana wayi yige yina'ma ayego, eyau ayini ure. Yige anasi yu yigen yiwafu yimenapa wago.