¹ Iyao'ruge,yigemi Anona manoni akune yigen yinofo ya' intago, minue yinafo yaa intare awakurogo, mini antami atekam antamino. ² ''Yige yinafo yimena paga bago.'' Mini a'nam baya Goti kagadurem rukam baya. ³ '' Mini waya awakurite mana magaga iyaka banagone.'' ⁴ Yige yifo'e unam, yige yenyira anam bugaiya yira'anene bumarago.A'ao,yemi manta ategega Anona mano awa yiyimego. ⁵ Yige fa yogam waita, yigemi yigenti dafisintano awa' awakurogo mana magaga yenyi menapa feganampa wago yirakake atekam yogari ogo.Jisasi'mo awakure wani urega yeya intago. ⁶ Dafisintano amone wagana yogarare busego,ben'augaka simonem amoyino busego.A'aobe,yigemi Jisasi amenapa wani urega dafisintanon amena paga wago,Afo yigemi Gotini ayinti yirakake awakurogo. ⁷ Anona manomi uwarakane watamano naye, ⁸ Yige intagamino, naye, awogu anene mana mana waita mano uwarami,fayogam waita wafi fawam waitawafi,Anona mano pake yeyi meyam marateye. ⁹ Mi'nugafo yigemi dafisim waitayu,yigenyi yogam waitayu soke uyikago.yigemi fegam buyimego Anona inarufa wayimi yekawa yigemba rafikemi yigenyi antami manayiom rayimari itene, ¹⁰ Kipam bayami, Anona manopim itama akeogo beni eraka. ¹¹ Gotini aruvin unam wado yige yige ogo,minei wananoni aupa yogaru yakaga nagone. ¹² Nayeyara, mana magaga waita nampaga siruveve yanaune,a'ao,Seyui nesu nasu savi kumayu Aiyo yunampa ino. ¹³ Mi'nugafo Gotini aruvim unam wado manta yige yige ogo,mine'i mana savi kanagai itama ake.inagone. ¹⁴ Aruvim waita itavini urega itama akeogo.Fuga waya yimu naranta ogo,atekan anta sako yanta uyagago. ¹⁵ Masidem wayami arafaru nampaga yiyimego, minimi su'ewani urewa aifim magano. ¹⁶ Nesu nasu anene fawarinai,amakukumi sakoyanta urewa fakano mini aneneyu nakomi wananoni savi fagoyui ararupa nagone. ¹⁷ Goti yige yividuka nanti intago, minimi yi'nopikena era atagi inaga Goti ami fakama akeogo,minimi aiyo manoni asive.(bainat). ¹⁸ Maside nuram yugam mukevega Aiyo'iyaon tanoni erarara intaogo.Maside nuram rafima sokega ogo,Gotini wata'anasi yanto yugam mukewatei. ¹⁹ Sem baga yugam muku sikago,Gotimi waya siminaga so'gare,itama akeugega aupao wam'waya sima fawarono. ²⁰ Semi Jisasini abum waita be'i mini antaga karabusifim kuge bauno. Mi'nuga'i, Gotinami eranampa sirare. ²¹ Taikusimi setifa tiwayi ugem Gotini yogaka fuga sirem bem,. Ma'de anene yiyimi'dana yigemi amonana gone. mage item bari ugenafi. ²² Mini antaga yige wapa sasa kafaunami yigano,amaka yigemi seyui item wariuge yanafu yigem yirawa akeuyi kanani. ²³ Sifa tiwa'o arafaru yigenampa bano, eno ayiranta nampa yimakuku Goti wapakem yino, Ano'na Jisasi pakembage . ²⁴ Gotini awa awa yigenampa wano iyemo Anona Jisasimo ayia'akewayi.