¹ Semi Jisasini Kugam waita ka'na be'i, semi erare'i yigemi Kotini ateka anta awakurogo. ² Yigemi eno yimenapa bega awogu anta eno uyikago. Yige mana mana wayi eno ayigara ure yofaogo iyemo anene imaka yui beayiranta wano. ³ Yigemi erarure yogewe mana yu'yiraka wago. Au'iyaopim manafim bafa. ⁴ Mana bunam nampa mana au'iyaonti bem. Mi'nugamifo,Kotimi yigem yararem sem, bega mana anenega rafisego. Koti bemo kagadurem rukam waya su'yaka fa'waritem. ⁵ Mana Koti nampa mana yimakukum nampa nom marewam mana bem. ⁶ Sana Koti senu sifo'e maside batanasi yimuga bem yen yi'wanapa yogewem, maside inimwaita yupem bem. ⁷ Seyu'ya mana mana wayim bepim simakukum rukafuno awa awa usikeve. Jisasi meyam yimiduka. ⁸ Minugamifo mono yaum mano sigam, ''bemo inarufa urimi, kugam watanasi yivigem benampa bem yenti meyami yimiduka. ⁹ Naye beyi aupa intiti yafi? '' bemi yanafa uremi'' Minugamifo maga aupem kuka. ¹⁰ Mini waitami benare kuka, maside inarufa yakagarem uremi, masidem anene itugatem. ¹¹ Mana'a atekam waita Jisasimi Aposori yogam yimiduka, mana'a mi kasanampa yogam yimiduka, mana'ami awum yogam yimiduka, mana'ami Kotini yogam yimidemi afo mana'ami sisa yogam yimem. ¹² Mini yoganti yimakuku ewam waita yukadem mini yogantano jisasi yogam mate sokeono, ugamifo Kotini au mante erarono. ¹³ Jisasimi yogevemi, su'yani simakukum mante manfim remi awogu intinti Koti agapikem marago. Su'ya nanti itama erarugeya Jisasini awogu anta marafano. ¹⁴ Sito iya'ora bega bunom amaka uwamano avekem buge yige urem avigem bem muna waya'yu nampa muna yogam yimidem. ¹⁵ Mi'nugami, fuga waya mana seve'ya enom ayiranta ure 've erarure maside ayika Koti nampa agapago, Kotimi senuti yi'nom waita yino. ¹⁶ Yimakuku ewam waita'yu Jisasi yen yu mante manafim ruka, maside ruwanture yogarieve, mini au mantem enoyim ayiranta mantem anoniem. ¹⁷ Mi'nugami, yigemi eram waya yiyimega, ano'na manoni awipim, kumi ewam watanasi nampa iwago. Yenti intinti savi ugem. ¹⁸ Nayeyara, ayufun antamano yenti intiru u'yarukami, Kotini oka nepauga beyo, abuyinta anta yepim ituka, nayeyara yen yira ano mana magagakena anta ituka. ¹⁹ Yigaye anta yepim ivemino, yen yu mana magagakena anta yimi ruka, Yen yira yemi itayikemi mana magagakena savi anta uwarago . ²⁰ Mi'nugamifo, Jisasi wapakem mini antami bu yoyivigem sem Kotini awakuro. ²¹ Semi ma'ni intiri ege, yige Jisasi aa intare bepim awogu inti mara, fuga waya Jisasipim wa. ²² Yigemi yiyime, wafakena anta ifadega, wafa bage'enim waita mante mapa dago. Mini waita manomi anta savi uga, nayeyara muna anta bepim ituka. ²³ Mini waita sasakama mapa rana yigenti intiru mante aweni, ino. ²⁴ Auwem inim waita yi'ino. mini inim waita Koti beyi atekam antanako uwantuka. ²⁵ Mi'nugami, muna waya yu mante fafadega fuga atekam waya eno nampa sego. ²⁶ Nayeyara yige ara uma bu ure kumi bu uwarano. Eni kumi nampa e'ana afu bu kupegano. ²⁷ Wananoni onta buriyeno. ²⁸ Umontose marewam waita, enawa bu umoriono. Enanao yoganti ayapikem mareve eno imakanayom watanasi yofa ino. ²⁹ Yigem yibuntike savi waya bu ino. Eno ofaim inanim waya mana sego.minugam waya enomi ofainti maratemino. ³⁰ Koti au'iyaontano ara umam bu amego, nayeyara Koti au'iyaon yimemi yigem mante beni watanasiyi ene. ³¹ Yigemi yu'yira yirewan anta, yirakewan anta asuwir anta eno sim sawiem waya yu'i masidemi ifarago. ³² Enomi awogu anta mana uyikago, yira yimi'de yenyi kumigu yirana Koti yigenti kumigu yira tem Jisasi awipim.