¹ Umanti kipavim anekai, Polimi wayami dami beni disaipoli yuka'i yema ben amonago yanti. Bemi manta akeuyi karem naemi avoguge siremi Masedonia bemi. ² Bemi maside ayapa novemi bemi sima yimakuku wata anasi akeuyi karem naemi bemi Grisi. ³ Wami kamorea biyomi yakagami mini ayapa'i, Judayu'i namugoyi uakami sipi maremi Siria magafa biranti. Minugami beyi intiru wayedemi yerademi Masedonia birantemi. ⁴ Afo Sopeta Pirasi aga'ano Beria kemi; Aristakas ya Sekondasi; yimakuku wata ganti Tesalonaika kemi, afo Gaiusi Debikemi. Timoti ya Tikikasi, Trofimasi Esia kemi benampa bemo Esia'i. ⁵ Minugami mini watayu ananta bemo Troasi minifa seyuya sive evem wage'emi. ⁶ Seyuya Filipai yera deya anekai sigonimo marasim buwam wayawam inte inte'i kanagai afo boti yomareya beya Troasi'i fawareya mofo faifi'a (5) wa'yawami aupem, Troasi'i seveni'a(7) wa'yawami wage'eya. ⁷ mini wikimanoni mana wayawami, masideyu yema duwantu uveya sigoni kidiranti manafim, Polimi Kotini waya amakukum ewam wata anasi yiyimima ayufukemi,, nayeyara yera yiremi mana'a wayawami boviranti. ⁸ Mini rumu yan afa wapimi yema duwantu eya mofu, nesu ramumi waga'em. ⁹ Poli waya sevem wami, mana fumara wata ben avi'i Yutikasi kumantemi windo anapa'i,naupai ka yanta'i wavemi. Polimo waya iyaka sevem wami, dufamemi mente kamorea rumufike merapake yanafake magaga kuma fugemi. ¹⁰ Minimifo Polimi ben amuga kuma wavemi kuma ayafa uremi fakemi. Yiyimemi semi "yigemi yira umanti bu ogo, bemi bufugemino, fami bemino". ¹¹ Naemi Poli yeradem naupa untavemi sigoni kidiremi nemi.Afo enawa yenampa waya sewami maro sagami, yera yiremi bemi. ¹² Yemi yira faru nampa, yimo yantapimi wage'emo mini fumara aga'i fa wami. ¹³ Seyuya Polimi yera areya sipi mareya oma anari eyamo fau Asosi'i, me'e minifa, Polimi seyuya nampa sipifimi dauntatemi. Minimi Polini intitino nayeyara, bemi magafi birA inta ruka. ¹⁴ Asosi'o yema yimonemi, seyuya nampa daunta weya sipifimi Mitaileni beyamofau. ¹⁵ Minifa'i botifim daunte yamofau, ena waya wami me'a afapa'i Kiosi ailani beya mofau. Ena wanurami, Samosi ailani oraveya mofau, afo ena nurami ena anom magu Miletusi beyamo fau. ¹⁶ Polimi inte inte evemi botifimi bemi Efesasi yakaga remi naye yara, bemi Esia bu waranti eva. Naye yara, bemo kana inami ame'uremi Jerusalemi oravemi Pentikosi waya wami amonaranti. ¹⁷ Miletusi'i,bemi wata yiyikami efesesi bemo maro mono mapikem anom waita yu yarago yema bemi amonago yanti. ¹⁸ Be waka yeravomi, mani sirem yiyimemi semi," yige nana'o intagami, ananta nurami Esia'o simo kampama dauna semi sige nampa wage'eu". ¹⁹ Sesi intiru daunam kumi'i ano namanoni yoganti sugan anonampa, nesu umanti amone'u naye yara, Juda yu'i siriranti waya antau maka. ²⁰ Yige nana'o intagam semi mana anene bu fakarukau yigem yiyime'i mini avogu anene amaka yigemi yofa inanim, nayemo yiyimuna magu fawa mana mana yigenyi naupa. ²¹ Yige intaga semi Juda akunanti Griki yu'i wayedega Kotipa anona manoka yimakuku ogo Jisasimi. ²² Magemi amonago, Ayo aga'ano minurai Jerusalemi bote'u, naemo seka'o fawarinami bu intagau me'eminifao. ²³ Minugami Ayo aga ano sima fawaremi, semi masidem anom magufimi seniwa umanti sive evem bemi. ²⁴ Ugami, semi inta naumi seti wantanomi bu avogu yantaganta semi bu ugeu, ugafo semi erarurega uyae bega yoganti kipano semo anona Jisasi wapakemo mantukaunami avogu waya sunami Kotini awa awa ganti. ²⁵ Magemi amona, semi inte'i maside yuka yiwa napimi siyime'i Inaru yanti, seti sorasi'i enawa bu amona nago. ²⁶ Ugami mage mana wayawami, semi yigemi sima fa'warure yiyime'i, sepimi ami buwanani mana wayini naremo maro afi'nam. ²⁷ Naye yare, semi mana yanta'i bu ayofarukau, bumi, maside Kotini ami masidemi yiyimidukau. ²⁸ Ugafo yigemi yigenao dafima soke ogo, sipisip yu'o Ayo aga ano uyademo yenti dafisi waita yi ogo. Avogu urega Kotin amapim wam sipisipi yu davisego , mini akumo, yemi beyi nare nako meyani uga. ²⁹ Semi intarukau semo yerade'o bowonami, savi afa iyanu ano yigen yiwanapa yeravemi sipisipi yu'i ifa bu yiranayo. ³⁰ Semi intarukau mana'a akumi yigen yiwanapake nesu nasu bu atekananim waya siremi disaipoli yu'i yemi yiwakurogo yanti. ³¹ Minu gafo yigemi dafima soke ogo. Yigemi intago waya wam ba ayufum ba, kamore orantaga, semi saumi bu darukau yigemi yiyimi ranti masiden yanta'i suga anonampa'i. ³² Magemi yigemi Kotimi ame'u beni amanoni awa awa, mini mano yigemi manta akeurau na'i bemi amaka yiminani wata anasi Kotimo uya rukayi. ³³ Semi auga nam bu ireu silva, koli, yanti nampa mana wayini unam wado yanti. ³⁴ Yige nana'o intagami mana siya mano semi sofaurem yoganti yogemi. Senampa wayimi. ³⁵ Masiden yantapimi, semi yimidukau amami yigemi yigatire'i anene bu dukayi yoganti erarure bu marana yoyimi yigemi intaruka anona Jisasini wayami. Wayami senana'o seu "anene enomo amewayini amoyinta ena ewami, anene mo mare wayimi ena ewa. ³⁶ Mini waya sewami mini anta yanti, be orasi'i magafimi demi yenampa augam mukemi. ³⁷ Polimi yema ayafa uremi amonaremi ifi'i dagemo. ³⁸ Yigunanti uakemo intamo semo, se torasi'i bu amonanagone enawa'i, naemi bemi avigemi botifim magun dami botifimi dauntavemi bemi.