¹ Yera yira faunami, sipi mareya atedeya anom magu Kosi beyamofau , aka ena wayawami ena anona magu, Rodesi beyamofau. Minigake ena magu Patara beyamofau. ² Me'eminifa'i mana sipi afakeya mofau mana ayapa Foinisia biranti, mini sipifim raunteya beyamofau. ³ Amona faunami sito ailani Saiprus'i neka wayimi. Waye deya siyan ugapa beya mofau anona magu Taiya orave yamofau, naye yarafi sipifim bayimi mana'a onta anta manta fasa demi anona magu Taiya biranti naye yare sipifim bayi yeyi onta anta yu marege fasada ranti. ⁴ Naemi, mana'a disaipoli yu yifakeya, minifai 7 nia wayawami wage eya mofau. Mini disaipoli yu'i Polimi sasamemi semi Gotini awamu ano yiyimemi semi Polimi buwa kumino Jerusalemi. ⁵ Mini fa'o wasu wauna wayawami kipayami, yerare ya bofanuna fa beyamofau, anasi iya'o nampa yera beya yera anom magu deyamofau, efau yaufimi sigon radareya sugam muke yam. ⁶ Sesiranti babai sireya buge yige eyamofau. Naemi sipifim raunta veya ssesimapa bugeyige eyamofau. ⁷ Sesi binto agoyanteya Taiyake yeye Tolemasi yeya mofau sifa tiwa minifa wayi nampa simo waya seveya mana wa'awami yenampa wage'eya mofau. ⁸ Ena wanurami mini magu yera reya Sisariya oraveya ,mofau. Filipi amaka'i oraveya bemi Kotini waya sewayimi, bemi yepike manawayimi benampa wage,emi. ⁹ Mini watamano 4,a asesa asikayu makage,emi, mini yemi kasanapa monowaya sewayimono, yemi wata nampa bu wawugane. ¹⁰ Minifa'i mana nuram wafaunami, mana kasanampa waita benawi,i Akabusi, bemi Judia'i kumemi. ¹¹ Seyu wafaunaga kuntawemi Polini letimi yemaremi. Mini leti mantemi be aiga ayaka antata umagemi semi, AYO AGA ANO semi Jerusalemi wam Juda yu'i mana leti afoemi antata uremi eno yiyapimi datemi. ¹² Seyuya miyanti intare yami ,Seyuya nampa mini magufikena wata anasi nampa Polimi intaeya eram waya seya Jerusalemi'i buwa urono. ¹³ Ugami Polimi anona waya semi, yigemi naega se tira'i dawanta rega semi ifipa'i manta sikege? Fugaugamifo semi yowarure'i bau Jerusalemi'i aupemi fugonuna Jisasi anonamano avika'i. ¹⁴ Afo Polimi awesara emi bemi sima fakafonu yanti, miniyami ifadeya enawa bu inta eya seya mi anom Anona mano ayinti fawarino. ¹⁵ Naemi mana'a wayawami yakagami kago mantareya Jerusalemi oma fawareya. ¹⁶ Mana'a yogamwaitayu Sisarea kemi senu nampa yemi. mana wata Saiprusi kemi avigemo, benavi'i Nasoni, bemi wafai yogam wata wage emi, senu nampa yemi,senu nampa yewatemi. ¹⁷ Jerusalemi yerabo siwaunami, mini fa wan afa awa yimo yim waya siremi avogu yira nampa sivige upegemo. ¹⁸ Ena wayawami Polimi senu nampa bemi Jemisi wapa'i, maside ano anom watayu'i mini fa'i wami. ¹⁹ Amo yim waya siyikaremi naemi sima fawaremi mana mana yanta'o Kotimo ena waitayu yiwanapa'o uwaremi beni yoganto yogapimi. ²⁰ Mini waya intaremi, Koti avi yani uremi, bemi mani sire sasamemo, afa awa yimona, made waita anasi wa yima kuku Juda yu yiwanapa masideyu erauremi Mosesini age waya mi awakuremo. ²¹ Mana'a akumano eni ayapa manisiruka,emi Juda waita anasi eno yiwanapa wayi yemi bu Mosesini age waya mi bu awakurogo. Aka semi yigemi yiyimemi ainagaguyi yuaranta bu akefano, feyan antayu bu awakuriogo. ^{23 24 22} Seyuya naote yanafu?yemi intemi enanti yigane.23 Afo naye anene uwarano sinayom uwara.seyu 4a waitayu dukafau yemi kagawaya siruka.24 Mini 4a waita yivi mantare yenampa bogo antayu awakuntega Anona mano augaka sese ewani ogo anene ayaurega yino yauyu akefago.afo emo mini naye,waita anasi amonem naye anene sasamem mini mi munagaye.Yemi amonem mini sitemo bewa i agewaya awakurewayi. ²⁵ Enafakem wata nasi Jisasika yimakukun ewanu, afauntim agante'ya wafa anta uruka baya yu rafuna buga. Ma'nisire'ya yiyime'ya, muna kotika neka bago ,beni nare nampa monko antayuka. ²⁶ Poli watayu yivigem ena nurami be mante beyi kumigu aremi mono 'mapim bemi yiyimem naye kanaga mana mana bayi ofa ure kumi yiratenafi mini bayayu oma yiyimem. ²⁷ 7 nia nura kipara imi Juda yu Asia yerave amonami Poli mono mapim bami, wata nasi yu yira mante itarami Poli asuvu akemi, ka ure ma'ni siga , ²⁸ "Yige Israili wata nasi, senu sofa ogo. Mana waita mano ma'depa novem wata nasi yu yiyimevem senu nampa Mosesini age waya mante savi evem. Mini anapa Griki yu yivigem mono naupa yefegemi mana magu mante savi emi. ²⁹ Wafa Trofimusi Efesesi waita bere anom magifim bami amonarukemi, Poli avige mono naupa ukemino intiri uga. ³⁰ Ma'de watanasi mini baya intare yimoyure yema uyu be Polimi fakare rifite mono mapa mapake onta yu uduka. ³¹ Arira ewami, mini bayami Romi yu i ofisa a'nari ugayim intami ma'de Jerusalemi fakena wata nasi yisubo yirubo ewane. ³² Ame'urem soldia yu nampa ofisa yu yivigevem soldia yu yima yerarem watanasi wapa kumem. Juda yu amonami a'nari ugam ofisa soldia yu nampa kumimi amonare bu arom ifadam buga. ³³ A'nari ugam ofisa yeravem Poli yema ayafaemi beni soldia yu ganti semi seni nako anta ogo sirem yintaem bemi naye anta urukene. ³⁴ Amuna watanasi uyuge wapim mana'a wa'dure ena ana baya yu siga. Amuna sasava omi yenti ano'na a'nari ugayim mini baya manoni anta buyintem beni soldia yu ganti sem Polim avige naupa urogo. ³⁵ Leta ana urimi watanasi amonare amuna baya simi soldia avige uka. ³⁶ Amuna wata nasi yi'nepa yiwakure beve wademi manta." fasadago." ³⁷ Poli avige naupa irira ewami yenti anon nanti sem, "amakaga ere ami sitegafo?" Anom intaemi Griki waya seveve? ³⁸ Semi intaunami emi kefo Isipifakem wafa aruvim mante gavmani yu nampa itare 4000 nia waita yivigem wata iwam magufim buga. ³⁹ Poli yiyimemi, "semi Juda waita be'i Tasusi anom magufimi Cilisia. Seti magumi anon avi dukem. Emi intaege amakaga mana inim waita yuka ami site gafo simi, ⁴⁰ Eyo semi Poli itavem ayan nako imi maside yu kepavimi ami Hibru waya nako yiyimem semi,