¹ Mini aneneyu'o fawarimi Apolosi Korini wa kanafim, Poli bemi mente awafa wam magufimi bemi anona magu Efesesi,mana'a kato waita yu wa maro yimonemi minifa. ² Poli yintaemi manisirem siga, yigemo yimakuku omi. Ayo Aga'i aga maregafo buwafi? Ben ami manisiremi siga .Buve.fuga sireya aiyo aga'i buyintaga ge'eya ugafau. ³ Poli yemi yintaemi, mono nomi iteniga urega marane? Yemi semi, Joni nopeyikewayi nomi senu wa fetikaga ⁴ Poli yewayegem waya siyimemi manisiremi siga, Jonimi wata anasi nomi feyi kakami yira'i wayede Kotimi awakuro go yanti. Watayu'i siyimemi ina'emo yewayi kaga yimakukumi ogo, Jisasi kaga yimakuku ogo. ⁵ Wata anasimi mini waya intemi, mono nomi marami anona Jisasi avipimi maremo. ⁶ Afo inaemi. Poli'mo ayamo yinoka magami.Aiyo aga'ano yeka kumwami waya yu'o semi ena'ena waya sevemi inaem wa fawarinanim waya yuwa siga. ⁷ Adeka 12 a waitayu'i mono nomi mantuka ⁸ Polimi Juda yuyi mono naupa oravemi bemi ita'ma erarugemi siyimemi wata anasi inarufa Kotini magu yanti.amaka 3'a biyoka. ⁹ Mana'a Judayu yirai eram buyugamise benami buyintemo.yemi savi waya semo.Jisasi awakuri anta wata anasi yugauka.minugami Poli mi yiremi kato waitayu ana yivigemi Tairanusi maro suguru yimemi Kotin afim maden nuram. ¹⁰ Mini yoganti kar i "ka'i yoduka.amaka masidem Esia'o wam waitayu Anonamanon a'mi intaga.Juda nampa Griki akunampa. ¹¹ Koti mi nesui awogu era yogaru Poli age uwaremi. . ¹² Kefo dawarave nampa sito unam'wado mo Poli aneyoda nu'i mare maro yi waitayu yimemi asofaga.savi awamugu'o wayiwa yera yiremi buga. ¹³ Ugami mana'a kasanampa watayu mini magu fimi novemi savi sava awamugu'i wata yu pike sima fasa de wa Jisasi avi'i daremi ake'i mantemi savi awamu gu'i yiyi ke'emo, ma'ni se'emo, mini Jisasi avipimi. Polimo awayi ewayi pimi yera arega fasagi ogo. ¹⁴ Mini seveni'a wata yu mini antamo ewayi yemi Juda yu yinom wata agafantamo, be avi'i Skiva. ¹⁵ Mana savi awamu ano yen yami ano'na emi semi, semi Jisasimi amona gege semi. Polim'ba amonaunave semi,afo sigemi iyeve.? ¹⁶ Savi awamu ano mini waitmano aupeke mini kasanampa watayu yige'i dauntemi, yenyi eraru'i manta magafim demi, yenyi unam wado daga naga uremi yanafa yiruruka savi yiriri uruka.Anon savi yiriri urami mini ma'i ifademi dagade iyauwuga. ¹⁷ Masi dem Juda wa Griki wa iyemo Efesesi wayimi mini waya intaremi, anom fegari uga. uremi Anona Jisasi avi yani emo. ¹⁸ Nesu yima kuku ewam watayu yeravemi yeyi kumi anta savi anta sima fawarure mi semo. ¹⁹ Nesu wata yu muna mana anta ewayimi yeyi afaum yaumi mareremi iga agaremo wata anasi yugaka, mini afaum yaumi anona moni kake mare wami, mone avi'i 50,000 silivami. ²⁰ Ugami Kotini waya mano made ayapa bemi anona era nampa'i. ²¹ Polimi beyi yoganti kipemi Efesasi.amaka awamu anoni eraka i inte inte evemi Masedonia yeravemi Akaia yerave'i Jerusalemi uriranti.bemi manisemi.inaemi Jerusalemi wage'ei .semi Rom'u wai uronu. ²² Polimi kam yogam waita siyikami Timoti ya Erastus Masedonia bentamo, mini waita gantano yoganti ofae'waro. Ugami benana'o ifademi Esia wage'emi. ²³ Yemi mini kanaga yeravimi, mane sito waya wa mana umanti Efesasi bu uyagemi Jisasi awakuri ayimi. ²⁴ Mana wata wage'emi, ben avi'i Dimitris. bemi silva nako muna Kotimi Atemisi uwarevem mone'i nesu yakagarem uwantevem de'emi. ²⁵ Masidem manta duwantu uremi muna kotimi uwante nesu moni marewayi.yigemi intevegafo seyuyamo mini muna kotim .uwanteveya anom mone'o marewafauna. ²⁶ Yige inte amonami Efesasi ana waiye. masidem Esia ayapa mini waita Polimi wata anasi yira'i wayedemi ena ayika bemi, bemi semi, mana Koti buvemi emo yiyanako uwarewami. ²⁷ Seyuya manawa kepateyaraune yimam uwarantimi remo moni marantim,Koti inim Atemisi wai'i fa yanta ganta intemi. Mini Koti avi itemo madepa wata Esia nampa maside ayapake beka'i mono sewam. bemi kuminani. ²⁸ Mini wayamo intemi, yirami gami arama semi manisemo, Atemisi Efesasikem bemi anonami. ²⁹ Masidem wata anasi mini magu fikemi ani'ana eve nesu inti uremi uyaemi mana anona kasi ewam mapimi upegemo. Kam wata fakemo Mesadonia kemi Poli nampa yero, Gaiusi ya Aristakusi. ³⁰ Poli anom waita uyugam awanapa urira imi .beni kato waitayu buyuri nonane sire samemo. ³¹ Mana'a anom waita yu Esiake Poli ni ana'o yu eram waya samemo mini kasi ewam mapim buyurono siremi samiduka. ³² Mana'a wata anasi arare semi mana aneneve sirami enomi ena anenya sirami minurami minifim nesu intiri emo naye antagaga mini duwantuga beyafo ³³ Mana'a akumanomi Aleksendar sasamemo. mini waita mi Juda yu'o avekemo maside waita yugaka'i duwantu uge waka'i. Ugami Aleksenda ayami yanafa demi sima ama uremi wata anasi yiyimemi semi Judayu'i mana umanti bu ruka. ³⁴ Ugami, yemo intemo mini waitami Juda'mi maside wata anasi arawoka uremi semi. Atemis Efesasikena. anonami, arawoka uremi ka auwaga'i mini se'emo. ³⁵ Mini magufikena waya agarewam waita mano arawoka ewam wata anasi yanti kepago sirem siyimemi.Madem waita masire ayapake intemi seye Efesasi kenomi anasi kotim Atemisi ni mono maka dafikane semo. ³⁶ Yigemi aga intagege mini aneneyanti. minugami sigemi ame ure mana savi anene yemi bu uwanyikago. ³⁷ Na'ugana mini waitayu {Gayusia Arista Kusi} yigemi yivigega koka'i yevege, yemi mono naupa umom wata buwa, yemi senuti anasi kotimi sima savi buyuga. ³⁸ Minugami afo Dimistrisi nampa wata yu'o muna Kotini amamam'o uwarewayi ami ruka mana'a wataga , ko'i a'i diga magemi ko'i intewam waitayu a'i wa ifadanaya yeyi sayekeyanti eno siranana beyinta si ko'anon agauka. ³⁹ Afo sigemo ena anene yanto sirantei .fami yigenti anom waitayu maro yimonaya yenampa ami sima ateganagomi. ⁴⁰ Fuga ugamifo seyuyami afim wateya mana duwantu'mo watayu yiran anene mantemo fakami.mini duwantu beni anta buwami se kamani sintaitemi senu. ⁴¹ A'i siremi, wata anasi yiyikaruka mini duwantu fikem, mini magu yera remi bemo.