¹ Mini aneneyu aneka'i, Porimi Atensi yeraremi Korinifa bemi. ² Minifai mana Juda waita afantem ben avi i Akuiramino ,bemi Pontusini akupike , lyemo Itari beyana nampa prisira , nayeyare Karaudiasi masidem Judayuganti Romu yerare bogo . Pori yimonara vemi. ³ Afo nayeyare , mayayom yoganti yewaoni uremi bewa mare em , yenampa bemi seri aguvim yogariem . ⁴ Afo Porimi wayayu'i sevemi mono mapimi maside Sabati ga'i Judayu nampa Kirikiyu intiti sima amaem . ⁵ Ugami Sairasi ya Timotiya Masedonia magu yerare kumemo, Anona manoni ayo aga'ano eram baya sasamem Pori sima fawarurem Judayu yiyimemi Jisasimi bemi Karaisive. ⁶ Judayu i yirafaru bu maremi saviugam waya bemi sasakem, Porimi beyi unamwado gakemi dikaka uma yen yorasipim devem semi , " Eana yigenyi nare mano yigen yinoka agapatem , Mage semi mana sayeke bu rukau, mage gakem,binanimi semi eno waita anasi wapa botege ." ⁷ Afo naemi, bemi ifademi buga Taitus Jastusini amapa ,iyewa Kotika monoi sasakewayimi.1 Ben ama'i mono ma adeka wane . ⁸ Krispus,imi, mono maka oma a nariugayimba Anonaga amakukunem nampa masidem watanasi iyemose beni mapim wam .Nesu Korini wata anasi Porini wayaga yimakukunemi nomi mantuka. ⁹ Anonamano ayufumi Porimi kaika'i sasamemi sem ,emi bu fegano; sima fawa rono. ¹⁰ Semi, enampa baunave , mana wayi emi savi buakatem nayeyare semi nesu waitanasi mini magufim dukau. ¹¹ Pori minifa mana orantagaba, sigisia biyoka bemi watanasi Kotini waya yiyimem. ¹² Kariomo Akayayuyi yinom waitayi imi , Judayu Pori nampa asuvure ,avige ko maguga yiga . ¹³ Uremi, minisire semo,Mini waitamano muna sirem wata anasi yiyimintike Kotini ro nampa amakukum anta ena ayipa bewa . ¹⁴ Porimi asirare simi, Kariomi Juda akum, yiyimem manisemi, Yigemi Juda akune, fuga ugane . Minimi awogu anenewafio ro radanti ,a,a senampa awogu ure ateganti. ¹⁵ Ugami mini intainti yigenyi yivinampa yigeyi ro nampa yigena'o ategago. Semi mamini umam bayayu bu rayimatege . ¹⁶ Gariomo miniyi imi komagu yeraremi buga . ¹⁷ Minewafono ,yemi Sosotenisimi fakemo,Monoma anom waita, savi aririemo mini ko maguga. Minomifo Kariomomi nayeyi uakananti bu intem. ¹⁸ Porimi minifa nesu nuram wage'emi naemi ,beyafa awa yerayiremi sipi maremi Senkriafa Prisiraya Akuira nampa buga. Bemi Senkria fa bemi , eram baya siremi beyanomyau akefaruka . ¹⁹ Efesesi oravem ,Porimi Akuiraya Prisiraya miniga yiruka .Beyao mono mapim oravemi Judayu nampa asiga . ²⁰ Porimi intaemi mana'a kanaga wano semi , bemi bube siga. ²¹ Mi'nugami yemi yerarem birantemi minisirem yiyimemi, Kotini ayintose wagana orade yige wapa yenu. Minisiremi naemi sipi marem Efasasi yerarem bemi. ²² Mini kanamose Porimo Sisaria oma fawaruvemi , mini anekai Jerusaremi mono mapa urem , maro monokevuyu yanti semi avogu nurane siremi naemi Antiokifa kuka . ²³ Minifa mana'a kanaga bage'emi, yera yirem Karesia va Frikiafa maside katowaitayu maro akeuyikaka. ²⁴ Afo mana Juda waita , benavi,i Aporosi Areksentria keno Efasasi yiga . Bemi awogu urem waya sevemba Kotinami intama sokeuga . ²⁵ Aporosimi avogu agefam waya Anonamanoninta marem.Nampa amusin anene Ayoagapim marem ,bemi aranti bayaga rukemi ,Jisasini ami watanasi yiyimem . Minugamifo bemi Jonini nopeganti amone inteuga . ²⁶ Aporosi monomapim agoyantem wayasem .Sewami, Prisiraya Akuiraya intemo, yeganti bemi avige awafa maroremi sasamima sokeure bemi Koti awakurim ayim . ²⁷ Akaia birarimi, benafa awa avogu wayami benanti siremi afaunti agaregem Akaia wam yogamwaitayu ganti bemi avigago . Oravemi maro avogu urem watanasi yofaem iyewafi yimakukum Kotini agunanenega ewayim. ²⁸ Nesu eranampa, Aporosimi sima magafim ruka Judayu yenti watanasi yugakai nampa Kotina manisem Jisasimi bemi Karaisive.