¹ Poli nampa beyavunampa oma fawaremi anona magu Amfipolis wa Apolonia, afo naemi ofawaremo anona magumi Tesalonaika'i judayuyi mono mai wakai. ² Polimi bemi juda yuyi mono naumpa minurem maside nuran ewan'i uremi.Kamore sabati wa'awami Gotini wayami yenampa dayime mi. ^{4 3} Poli waya yiyimemi kraisimi auavisi'i marena, afo fubemi afo yerademi itavitemi. afo bemi semi, Mana Jisasim mose semi sima fawaruna, bemiKrais simi.'' v 4 Mana'a juda yu akupike yimakuku emo Poli sim wayayanti, Poli ya Salasi ya nampa duwantu emo, ugam wa'i nesu akumano yima kuku ewam wata anasi Griki kem wa nesu ininam yibi dukayu Poli awakuremo. ⁵ Ugamifo Juda akumi iyeno Poli si waya yanto yimakuku bu o yi,yira savi emo naye yarafi nesu wata anasi Juda wa Griki yimakuku emo wayamo Poli sinanti . minimi maketi magufimi upe bemi yira manta itaruka savi watayu ,nesu waya anom magufimi semo, Yemi mana yudayu wa mana'a watayu uyaure Jeseni amapa bemo, nayeyare yemi Poli ya Sailasi yibige wata anasi wapa'i yiratemi. ⁶ Ugamifo yemi amonami Poli ya Sailasiya buwami ,yemi rifitemo Jeseni nampa mana'a afa'awa iyemo yima kukumo ewayi Polimo siyimim bayaga, afo yemi yibigem yinom waita yuka bemo ano magufim, afo manisire yiyimemi ,'' Mana mini wata yu'i umanti manta itaremo masidem magufa,magemi managa fawaremo. ⁷ Mini watayu'i iyemoJjeseni yibigemo bimo benapa wage emo benamapa ,Sisani waya bu awakure mo, yemi mani semo,ena kimi wane,benavi'i Jisasmi. ⁸ Wata anasi yuwa anona magufim kansoli yu mini waya intem,anonaga yira savi'uga. ⁹ Ugami naem anona magufi yinom wata Jesenim nampa mana'a yimakuku ewam kalabusi ayaim moni ayaemo, yirarami faugam asabemo. ¹⁰ Afo mini aiyufum yemi afa awa unam Poliya Sailasi yiyikami Beria bemo. Amaka yeganti miniga maro fawaruwe, yeganti upegenta Juda yuyi mono naupa. ¹¹ Juda yu pike amuna Tesalonaika wayi yemi Koti na itara yimo buyeve, minugamifo Juda yu Beria wayi yemi yimo yeve waya manta soke emo, awogu intim nampa awogu ara nampa afo masidem nuram, yem i dayima soke eve Koti awa ba afa kama faka remi, amaka mana wayami fuga wafi, o ive.. ¹² Minugami amuna Juda wata anasi, mana Kriki ininam, yemi iyemo yivi rukayi mini anona taunifim, ena waita yu nampa, Jisas sipim yima kuku ewayi. ¹³ Judayu'i Tesalonaika wayi intami Polimi Kotini waya siyimevemi Beria wami, yemi Beria, bemo yira itare manta savi iranti minifa wan wata anasi. ¹⁴ Afo ame'em afa'awa mi Polimi sasakami non awafa bemi,Sailasi ya Timoti ifadenta Beria wage enta. ¹⁵ Polimo avige bom watayu 'i anom, magu Atensi anomi iyaka ugami bemo. Polimi minifa maro aremi yirante omi, Poli manisere mi yiyimemi, Sailasi ya Timoti yiyimiya ameu renta be waka yekaro. ¹⁶ Polimi, Sailasi ya Timoti ya yibe wami Atensi, bemi amonami mini anom magumi nesu nasu muna mana koti ituka, ben ara'ano anona umanti remi. ¹⁷ Minugami Juda yuyi mono mapi oravemi intiti yenampa dayimemi, mana'a wata anasi iyemo amakuku ewayi, nampa wata anasi duwantu uge wayi. ¹⁸ Mana'a intim watayu Epukurian ikemwa Stoiki ke ye duwantu emo, mana'a mano mani semo,'' Mana muna waita, naye vega sirantene?'' Yemi eno semi, bemi bekanaugem mini waita mano iyemo wata anasi yarem enayom Kotim awa kuro yanti, Nayeyara Jisasi nanti sima fawaremi afo beni intavinti matipike. ¹⁹ Polimi avigemi Areopagusi bemo, minimi mana magumi maside yinom waitayu duwatu ewaka, wayagu sewakai'i Kanawa sisimiteve mana auwe waya, emo sewana? ²⁰ Nayeyara seyuya inta funami nesu nasu wayamano seyuya sagagaka yewa. Ugaya mi seyuya intaranti mini waya maya mano nayeve ugana sigen nafi. ²¹ Atensi kena wata anasi nampa mana'a wata anasi mo mini magufim wayimi, yeyi kanami amikara wayami uremi inta waya gaina auwen anene kana. ²² Polimi Atens siyu yinom waita yu yigauka itavem semi, ''Yigemi Atensi watayu'i, sigemi yimonauna'i mono watami atede'i wamino maside anta uwarapimi. ²³ Semi nove amonei sigemo Lotu ewam aneneyu, semi afakem mana alta mana waya agakam, afo mani sigam.''Mana alta mi mana Koti ninta seyu amone inte buyu gafuna.'' minugai mini Kotimo yigemo bu intage'o mono seve wayimi magemi yigepai sima faware. ²⁴ Mini Kotino magamo uwareno maside yanta minifim wayimi, bemi inaru wa maga wai uwantu kayi, watayu uwantagam mono mapimi buwayi, yiyanakamo uwam tukami. ²⁵ Kotini bu ayewa mana yanta'i wata anasi bu ofaogo yanti bu ayewa nayeyara bena na'o wata uwantem , yaumi yimidemi made yanta'i. ²⁶ Mana waita gake bemi masidem wata anasi uwantuka masidepa mana maga amuga. Feyapa bemi yemi wago siremi kana yimemi, afo bemi yenti magaga kanami ruka. ²⁷ Minugami Kotimi afake ve,eremi bewam ayipa buga. Koti seyuyapike sire nepagi bu buga. ²⁸ Bepimi sa,omi mareveya wasi wau, noveya mi nana magai wasi wau, yige pikemo mana waiyimo semi, seyuyam masidemi koti aga wasi wau. ²⁹ Mini anta yanti Koti aga wasi wau,mani intiri bu osemfa,Kotimi awawa ugene, ominibu ugemi watamo okao uware wani'o yeyi intikao. ³⁰ Minugami Gotimi wata yuyi savi awu awa feya kanafimi bu amone'em, mage kanafimi bemi eram baya semi masidepake watayu yui wayegago. ³¹ Bemi mana kanami ugamaka, maside wata anasi dayima nanim, beyi atekam anta nakomi. Mini waitami a'i Kotimi, ugaduka yigatemi mati pikemo bemo itaruka. ³² Atensike watayu intami Polimo Jisasini fuka nampa itavim baya simi , mana'a watayu'i imi bemi sakemo. Minugamifo mana'a semi,' Semi yeveyege itarare Poli sirukam waya.'' ³³ Mini aneka'i, Poli yera remi bemi. ³⁴ Minugamifo mana'a waitayu yima kukum emo Polimo sim bayaga, Dionisius Areopagite ke ba, afo mana inim, beni avi Damaris, afo eno iyemo yenampa wayi.