¹ Wayami yemi antau magemi semi seyuya sipi mareya Itali'i bofanu, yemi Polinampa mana'a kalabusi watayu'i ananta aruvim watayuyi dafisintano ayapike ben avi'i Juliasi. ² Seyuya daunteya mana sipimi Andramitium magu fikena nopimi bemi Esia nonanapai, minimi iyami bunopimi kupege yemofau Aristakusimi Tesolonika Masedonia kemi bewai senunampa yemi. ³ Ena wayawam seyuya Sidoni anom magufim oma kepeyamu a, mini ayapai Juliasimi awogu uakemi Polimi e;arami demi beni ana'oyu yimoneve mana'a ofainti yepakem mararanti. ⁴ Mini ayapa'i seyuya agoyanteya nopimi beya yakueya non anapa Saiprusiailani, nayeyarafi uwa mano eran yiri emi seyuyafai. ⁵ Nopa mafabewa siwaunami adeka non anapa Silisia wa Pamfilia, yema kepeyamofau Maira'i mana anom magu Lisia'i. ⁶ Mini ayapai ananta aruvim wata mano mana sipi Alesendria Itali biranti bemi eayami minifimi dautareya upegeya mofau. ⁷ Sada sada eya, anona yoganampa amaka nesu waya wakai ureya naen ugami Snadusi adeka oraveya, susuwa mano mini ayim uyagemi seyuya mini ayimi bubofanu yanti miniya seyuay aupa magumi Kriti, ena afapa Salmoni. ⁸ Seyuya anon yoganti tripiga mareye'eya non anapa awakureya beya mana maguga yeraveya mini magu avi'i Fea Hevens anom magu adeka Losael. ⁹ Seyuya aya kana mareya wafaunmi Juda yu yunamo awefaewa kana yakagemi, minimi magemi buno mano anona savi'i emi tripi iranti, minimi imi Poli fegam waya semi. ¹⁰ Watayuge, semi amonaunami amo bira osiwaunami, nesu umanti mareyemi afiofanu, ontawa sipi yarase, seyuya wata awaunt se. ¹¹ Ugami ananta dafisim wata mano masidem beyara dafisim watagawa sipi afoeka Poli sim waya yimakuku bu emo. ¹² Nayeyara sipi manoni birisi umanti afakemi susuwa kanagai kepemi ugami nesu si[pi kepteni yu'i semi, seyuya kana bu kepafanu, bebeyami oma fawaro siwauntano magu Fonikisi beya susuwa aveofanu, mini mana samana birisi Kriti'i bemi amonegem ayan epa afau untewapa ayan ugapa afau kupegewapa demi. ¹³ Ayan ugapakena uwa mano sada sada e kepteni intinti awakuntemi ukumi daure uremo awakuremi Kriti non anapai. ¹⁴ Ugami naemi aki kanafimi, mana eran uwami, avi'i demi ayam epakem, era uremi kumemi seyuyanti ailanifake. ¹⁵ Sipi mano umanti afakemi uwanampai yakagaremi bubinani, ifadeya uwa manoni kana ewaya eafaunami sipi mano fa iwage'emi. ¹⁶ Seyuya beyami awakureya mana ayofagam magu, sito ailanifim avi'i Kauda'i, mini amonantano anonapimi anona anu yodeya sito botimi onta eyamofau. ¹⁷ Sito botimo aose utaviyami, afo beni nakai sipimi kuyemo. yemi fegemo seyuya on amugai bewane semo, minimi sipi ankai bunopim demi fanowage'emo. ¹⁸ Susuwa wa a'ano seyuyam mareyem saviuraya ena wayawami yemi agoyante sipi manoni onta bu nopa ina maege remo. ¹⁹ Kamore nurakai sipi manoni anenemi bu nopa intafemo. ²⁰ Afaumanoya ofumano faka bu fawarimi inarufimi amaka nesu wayawami uwamano wa a'ano seyuya sibikaraya, ugami ake intiti seyuya sofainti kepemi, mana ayiminami samenami, sipi ifadeya bosi wafau. ²¹ Yunam bu manti ayaka fa wafaunami, Poli yiwanapai itavemi semi, watayuge, semi yiyimei Kriti, ugami seti waya bu intami yeyamofau, sayeke manteya afi iri eyamofau. ²² Minugami semi magemi seyuya siwanapake afiomi, ugami sipi minani afi'item. ²³ Nura ayufumi mana Gotini ankero ano semo mono siakewauna, beni ankero ano setidekai itavemi. ²⁴ Semi, Poli, emi bu fega, bemi sisa augaka oma itavu, amona, Goyimi beyi awa awai emi agatemi maidem wata anasi enampa nowayi. ²⁵ Minu gafo afa awa, akeureya itavogo, nayeyara semi Goti kai sima kukun ewau, minugami bemi sisikani uremi fawarinami. ²⁶ Ugafo mente mana'a ailani yaga uyaofa. ²⁷ Seyuyamo 14 ni'a ayufumo nowasiwaunami uwamano sibekara yami bu noka oma faware yamofau Adriatik, ayufun awanapimi sipifim yogam watayu intemi maga adekai yerave yimofau. ²⁸ Nanti mantemi nomani kupega, aya'ami amonami 40 mitami sito ami bemi yeradem gagem afakami 30 mitami. ²⁹ Fegemo sipi mano omi fami inaninanti, minimi imi 4'a anka demi kumemi yugam yugam mukemo ame'emi sagano yanti. ³⁰ Sipifim yogam watayu ami afakemo sipi yeraremi uya virantemi, mini sito boti yu'i dami kumemi bun nopimi, ugami muna semi yemi anka yu'i nopimi intafewa. ³¹ Ugami Polimi ananta dafisi nanti aruvim watayu siyimem manisem watayuo sipifimi famo wami, yigenanao yofaiwayo. ³² Minimi aruvim watayu nanti akefami boti mano bu nopimi fafasivem bemi. ³³ Segaranti imi, Polimi maside wata yintaem mana'a yunami mana'a yunam marago, bemi semi magemi 14 nurami dafiseveya yujmnami buneyamofau, mana yunam bu neyamofau. ³⁴ Minugai semi yikgemi yintae mana'a yujnami yigenana'o yofaure wago. ³⁵ Mini mose sirami, breti mantemi sususiremi Gotipai maside yugakai breti kidiremi agoyantem nemi. ³⁶ Naemi masideyu akei yirakake wa inti kakem urem yunam maremo. ³⁷ Seyuya 276 watami mini sipifim wage'eya. ³⁸ Namante akei mantare, witiyu mantare bu nopa intafuremi sipimi umam burino yanti. ³⁹ Sagavim magami bu anonemo, ugami mana nurami bu nonanapa amonemo, intinti duwantu uremi manemi, minifai sipimi dirife urofane. ⁴⁰ Minimi anka yuyi nanti akefarami dami bu nopa kumemi, rada manoni nantawa iyadami orasi marege susuva yikpa demi non anapa bemo. ⁴¹ Sipi mano okai oma agapemi non awanapimi beyaranti anuyogem sipi manoni anayepa nomano mare aruma dadem. ⁴² Aruvim watayu waya onta uremi kalabusiyu'i nayeyare suwimi'e yerade bu uyaogo yanti. ⁴³ Ugami ananta dafisintano Polimi ofairanti ugami yenti intiranti bube semi, watayu'i yiyimemi iyemo suwimi inonomi nopim dauntave suwimi'e maga bono. ⁴⁴ Masidem mana'a watayu yiwakuritemo, mana'a fa araka bitemo, mana'a ami sipi manoni anenegai bitemo, mini ayipimi, masideyu magagai, avogu uremi bemo.