¹ Agripami Polimi sasamemi semi magemi eyi waya sinonami, afo Polimi ayam yanafa demi manisemi. ² Kimi Agripa, semi simoye wau semi sesi wayami emi sasamewau waya atega nona Judayu o se tufimo mage wami nayeyare. ³ Emi intama sokeuga Judayu'i intami yentainampa, ugai emi, intae'i seti waya intama soke'ono. ⁴ Fuga ugami, maside Judayu'i semi simone inte uga semo fumara be'o sesi magugawa Jerusalemi wa'i. ⁵ Yemi semi inte simone uga feyapa'i yenana;o sima fawari nayo semi mana Farisi yanta wage'e'u, bemi eram watami senuti mano pimi se'eniyimi. ⁶ Magemi semi managa itavunami yemi Kotimi simewa, nayeyarafi semi afakama faware'u uga wayamo Kotimo semo senu sinau nampa. ⁷ Mini anta yanti tuelfi'a(12) akumi Israeli kemi mono'i Kotimi waya wam wa ayufum wa'i eve dafisemo mini yanta afakaranti Kimi Agripa, mini anta yanti Israeli yu'i semi Koti sisika ranto. ⁸ Nayeyara yigemi intami Kotimi fubugam watayu manta bu itaran tene? ⁹ Mana'a kana yakagami, semi inte inte nesu yanta'i eve'i Nasaretike Jisasi avi'i savi ira. ¹⁰ Semi eyo wayami yinom wata wapake mante'i Jerusalemi mini anta e'e'u; nesu yimakuku ewam watayu fakare'i kalabusi eyo waya sunami yiruma fuge'emo. ¹¹ Semi mono mapimi manta savi uyike'i svi waya yiyikare'i manta savi urukau; sirami kayikare'i yiwakure'i ena magufa'i be'e'u. ¹² Mini anta uware waunami, yinom watayu eyo waya sime'i Damaskasi wa'i be'u. ¹³ Semi bewanaunami, an'awanapimi beloga'i mana ake uga omi Inarufa ugagemi semi kumanti yaku emi maside senampa bewayimi. ¹⁴ Seyuya masideyu magafimi kuma dufameyamu, semi intanau nami mana wata mano Hibru waya fike waya semi bemi manisemi,, Soli, Soli, naugayawa semi manta savi eveve? Semi magafim bu dano. ¹⁵ Afo semi bemi sasamei, anona emi iyeve? Anona mano waya anona emi semi, semi Jisasimi emi semi manta savi eve wanami. ¹⁶ Emi itavu aiga itavu, semi eka'i fawarunami nayeyara em uyadei seti yogam wata uganami emi sima fawarino anene amonana sepimi wa anene naemi agate muna. ¹⁷ Semi emi yeradei wata anasi yiwanapake avigami ena wata anasi yiwanapake semi emi sasaka bino. ¹⁸ Yuga diyira yemi amonatemo saganti amonemi ayufumi ifadatemo, wananoni eranti ifadem Kotipa yeno, inami Koti yenti kumi'i yiratemi, anene maratemo wata yimidukau nawa semo uyadukauna watami, mini wata anasi seka yimakuku ewayi ¹⁹ Minimi, Kin Agripami, semi mini wayami bu dadeu mini yanta'o kaikaganta Inarufakemi kumemi. ²⁰ Semi wayami yiyimeya yira wayedega uwarago antamano yira wayegani'o; Damaskasi nare sire'i Jerusalemi nampa masidem Judia ayapa wa mana'a wata anasi. ²¹ Mini anta yanti Judayu semi fakarem siru fugiranti. ²² Kotimi sofaemi yemi managa yerave'i semi wata anasi yiwanapimi yivio dukam wata anasi yiyimemi anene yu ganti Mosesi nampa yogam wata yiyimemi fawarina nimi. ²³ Mini minugemi Kraisimi au avisi mantemi fubemi yeraremi itavi ananta fugiranti onanti sima fawaremi Juda yupa wa ena akunampa. ²⁴ Poli beyi waya kiparami, Festusi aravoka uremi semi, Polu em oeni ewanave, em nesu siguru se'egonami miyimi emi manta oeni ewanave. ²⁵ Ugami Poli mani semi, anom wata Festusi semi o'eni bu ewau, semi ateka wayami mana anona yanta ganti sewau. ²⁶ Kim mano benana'o intaga mini yanta ganti ugai semi sima faware'u bemi. Semi intagau mana yanta'i bepimi bu ayofatemi, nayeyara mini yantagai bu ayofabuga mana ayapai. ²⁷ Poli intaemi, "Kin Agripa emi profetiyu yami amakuku eveve? Ah? Semi intanunami emi amakuku ewanami. ²⁸ Agripami Polimi sasamemi, semi mana aki kanafina emi semi manta kristeni yi iteve ah? ²⁹ Poli semi, semi Koti kai sugam mukurukau, bumi aki kanawafi aya kanawafi ugami semi emi ayi ake wau nampa maside akumo iyemo intao magemo Kotini waya suna. Yigemi senanto fawarinago, uremi semi ifadanti kalabusi fikem. ³⁰ Afo kim mano gavana, Benisi wa maside akumo kumake wage'oyi mademi itavemo. ³¹ Duwantu ewam ma'i yera demi mapa kumomi, yeyi ranti semi mani semo, mana wata mano mana sayeke buemi amaka kalabusi itenafi fugitenafi. ³² Agripami Festusimi sasamemi semi, sisamo intaemi Koti ka bu fawarirami amaka bemi sayeke bu dukam wata yanta itemi.